Dharashiv News: शिक्षण, आरोग्य क्षेत्रात उल्लेखनीय कार्य करणाऱ्या ज्ञानज्योती सामाजिक बहुउद्देशीय संस्थेने आता वृक्ष लागवडीच्या उपक्रमात सक्रिय सहभाग घेतला आहे. ज्ञानज्योती सामाजिक बहुउद्देशीय संस्था, उमरगा, जी. के. फाउंडेशन, पुणे आणि कमिन्स इंडिया लिमिटेड यांच्या संयुक्त विद्यमाने वृक्ष लागवडीचा व्यापक उपक्रम सुरू करण्यात आला आहे.

वाढते प्रदूषण पाहता तरुणांनी निसर्गाशी सलंग्न व्हावे यासाठी या संस्थानी उमरगा, लोहारा तालुक्यात एकूण दहा हजार वृक्ष लागवडीचा संकल्प हाती घेतला आहे. पाच जुलै रोजी त्रिकोळी शिवारात प्राथमिक स्वरूपात एक हजार बियाणांची लागवड करण्यात आली आहे. यात शिवण, सिसम, साग, बेहडा, बिबवा, खैर, एरंड, सीताफळ, रामफळ या

झाडांच्या बियाणांची लागवड करण्यात आली आहे. या वेळी जी. के. फाउंडेशनचे अध्यक्ष गुंडाप्पा खडके, उपाध्यक्ष जगदीश खडके, सामाजिक कार्यकर्ते भीमाशंकर चौगुले, ज्ञानज्योती सामाजिक बहुउद्देशीय संस्थेच्या अध्यक्षा ॲड. आकांक्षा चौगुले, वन परिमंडळ अधिकारी एस. बी. देशमुख (उमरगा)

वन परिमंडळ अधिकारी श्री. सदानंदे (लोहारा), ज्ञानज्योती संस्थेचे प्रतिनिधी शिरीष महाजन आदींची उपस्थिती होती. या उपक्रमासाठी विभागीय वनअधिकारी बी. ए. पौळ यांचे सहकार्य मिळाले. दरम्यान पहिल्या टप्प्यात एक हजार बियाणांची लागवड करण्यात आली असून आणखी एक हजार बियांणाच्या

लागवडीसाठी शासकीय जागा निश्चित करण्यात येत असून उर्वरीत आठ हजार बियाणांची लागवड टप्प्या टप्प्याने करण्यात येणार आहे. बियाणांच्या लागवडीनंतर त्याची उगवण, त्याची जोपासना यासाठीही प्रयत्न केले जाणार असल्याचे सांगण्यात आले.