Parbhani Rain News : परभणी व हिंगोली जिल्ह्यातील ३२ मंडलात सोमवारी (ता. ३) सकाळी ८ पर्यंतच्या २४ तासांमध्ये हलका ते मध्यम पाऊस झाला.या दोन जिल्ह्यात गेल्या तीन चार दिवसापासून पावसाने दडी मारली आहे.

उन्ह पडत आहे. तुरळक ठिकाणी पाऊस पडत आहे. ओलाव्याअभावी जमीन कोरडीच आहे. पेरणीसाठी शेतकरी मोठ्या पावसाची वाट पहात आहेत.

परभणी जिल्ह्यातील परभणी, जिंतूर, सेलू, मानवत, पाथरी, पूर्णा तालुक्यातील १५ मंडलात हलका ते मध्यम पाऊस झाला. जिल्ह्यात गेल्या २४ तासांत सरासरी ०.५ मिमी तर यंदाच्या पावसाळ्यात आजवर एकूण सरासरी ५६.३ मिमी (३३.८ टक्के) पाऊस झाला आहे.

हिंगोली जिल्ह्यातील हिंगोली, कळमनुरी, वसमत, औंढा नागनाथ, सेनगाव तालुक्यातील १७ मंडलात हलका ते मध्यम पाऊस झाला.

जिल्ह्यात गेल्या २४ तासांत सरासरी १.८ मिमी पाऊस झाला. यंदाच्या पावसाळ्यात आजवर एकूण सरासरी ४७.४ मिमी (२४.८ टक्के) पाऊस झाला.

मंडल निहाय पाऊस (मिलीमीटरमध्ये)

परभणी जिल्हा - परभणी ९.५.

हिंगोली जिल्हा - हिंगोली ५, गिरगाव ३०.३.