नाशिक ः कर्मयोगी दुलाजी सीताराम पाटील कृषी महाविद्यालयातील कृषिकन्यांनी दुगाव येथे मधुमक्षिका पालनाबाबत (Beekeeping) जनजागृती उपक्रम राबविला. या कार्यक्रमात मधुमक्षिका पालनाचे महत्त्व (Importance Of Beekeeping), त्यांचा परागीभवनातील सहभाग व त्यामुळे वाढणारे पिकांचे उत्पादन (Crop Production) याबाबत माहिती देण्यात आली.

यासह कृषिकन्यांकडून माती परीक्षण प्रात्यक्षिकाचे आयोजन करण्यात आले. या वेळी मातीचा नमुना कसा घ्यावा, माती परीक्षणानुसार खत व्यवस्थापन नियोजन कसे करावे याबाबत शेतकऱ्यांना मार्गदर्शन करण्यात आले. तसेच माती परीक्षणासाठी शेतकऱ्यांच्या शेतातील मातीचे नमुने घेण्यात आले. जमिनीचा सामू, मातीचा प्रकार, मृदा आरोग्य आदी बाबींविषयी माहिती देण्यात आली.

कृषीकन्या वेदांती काळे, संघर्षा जिवने, वैष्णवी कापसे, दिव्या करपे, प्रांजल केदार व सोनाली खाडे यांनी उपस्थित शेतकऱ्यांना प्रात्याक्षिकाद्वारे माहिती दिली. या उपक्रमासाठी प्राचार्य डॉ. आय. बी. चव्हाण, श्‍वेता सातपुते, कविता पानसरे, नयन‌ गोसावी, पल्लवी पाटील यांचे मार्गदर्शन लाभले.