Jalgaon News : यावल तालुक्यातील न्हावीसह परिसर केळीचा पट्टा म्हणून ओळखला जातो. या परिसरात मुख्य पीक म्हणून केळी घेतली जाते. त्यामुळे परिसरात शेतकरी केळीची मोठ्या प्रमाणात लागवड करतात.

मात्र, अनेक संकटांचा सामना करणाऱ्या शेतकऱ्याच्या केळी पिकाला फलक भावानुसार (जाहीर दर) दर मिळत नसल्याची वस्तुस्थिती आहे. आज रोजी फलक भाव १ हजार ९५० असून व्यापारी हजार ते ११०० रुपये क्विंटलला मागणी करीत आहेत.

फलक भाव ते खरेदी भाव यामध्ये तब्बल सातशे ते आठशे रुपये दरापर्यंत भावामध्ये तफावत आहे. अशा प्रकारे व्यापारी पिळवणूक करीत असल्याची तक्रार परिसरातील शेतकऱ्यांनी केली आहे.