Solapur/Pune News : विधानसभा निवडणुकीत भाजप-महायुतीच्या उमेदवारांच्या प्रचारासाठी पंतप्रधान नरेंद्र मोदी यांची सोलापूर आणि पुण्यात मंगळवारी (ता. १२) प्रचार सभा होणार आहे. सोलापुरात दुपारी दोन वाजता तर त्यानंतर पुण्यात दुपारी साडेचार त्यांची सभा होणार आहे.

सोलापूर जिल्ह्यातील सोलापूर, सोलापूर दक्षिण, सोलापूर उत्तर, अक्कलकोट, माळशिरस, पंढरपूर-मंगळवेढा या सहा मतदार संघांत भाजपचे उमेदवार आहेत.

पंतप्रधान मोदी यांच्या दौऱ्याच्या पार्श्‍वभूमीवर पोलिसांनी चोख बंदोबस्ताचे नियोजन केले आहे. सुमारे एक हजार पोलिस त्यासाठी तैनात करण्यात येणार आहेत.

सोलापूरमधील सभा झाल्यानंतर दुपारी साडेचार वाजता पुण्यात स. प. महाविद्यालयाच्या मैदानावर सभा होईल. या सभेला पुणे आणि सातारा जिल्ह्यांतील मतदार संघांतील महायुतीचे उमेदवार उपस्थित राहणार आहेत.