Nashik News : मोडलेली पालं, उडून गेलंलं छत, अस्ताव्यस्त पडलेला संसार, जिकडे नजर टाकावी, तिकडे फक्त चिखल, चिखल आणि चिखलच... हो चिखलातच राहणे, खाणे, बसायला जागा नाही, खायला अन्न नाही, कपडे नाहीत, लहान मुलं चिखलात खेळताहेत,

दोन दिवसांपासून सुरू असलेल्या मॉन्सूनोत्तर पावसामुळे पावसामुळे शेतकऱ्यांचे मोठ नुकसान झाले आहे. गोदाकाठ भागातील ऊस तोड मजुरांचे प्रचंड हाल होत आहेत. एकीकडे गळीत हंगाम सुरू आहे.

चिखलातच स्वयंपाक करतायेत, सारा संसाराचा चिखल झालाय, चांदोरी (ता. निफाड) येथे दोन दिवसांपासून होत असलेल्या पावसामुळे ऊस तोडणी कामगारांचे प्रचंड हाल झाले आहेत.

तर दुसरीकडे बदलत्या हवामानामुळे ऊस तोड मजुरांना काम करावे लागत आहे. त्यांच्या कोप्यांमध्ये पाणी शिरले असून, जनावरांचेही मोठ्या प्रमाणात हाल होत आहेत. पावसामुळे वातावरणात गारवा वाढल्याने आरोग्याची समस्या निर्माण झाली आहे.

सर्वच रस्ते चिखलमय झाल्याने वाहतुकीसाठी अडचणी येत आहेत. जिथे माणसांना पायी चालणं अवघड असताना एवढा बोजा घेऊन बैलांना कसं चालता येणार, असा प्रश्‍न ऊस तोड मजुरांना पडला आहे. जेथे मजुरांच्या निवाऱ्यासाठी कोप्या घातल्या आहेत, तिथेच पाणी साचल्याने मुलाबाळांची दैना होत आहे.