Ahilyanagar News : अहिल्यानगर जिल्ह्यात यंदाच्या रब्बी हंगामात प्रधानमंत्री पीकविमा योजनेत आतापर्यंत १ लाख ७९ हजार ८५२ शेतकऱ्यांनी सहभाग घेतला आहे. या शेतकऱ्यांनी ४ लाख २२ हजार २७७ अर्ज केले आहेत. २ लाख २३ हजार ४९० हेक्टर क्षेत्राचा या शेतकऱ्यांनी विमा उतरवला आहे.

अहिल्यानगर जिल्ह्यात रब्बीचे ५ लाख ६७ हजार ८३४ हेक्टर सरासरी क्षेत्र आहे. आतापर्यंत ३ लाख ४१ हजार ३५२ हेक्टर क्षेत्रावर पेरणी झाली आहे. यंदा सर्वाधिक ज्वारीचेच क्षेत्र आहे. मात्र गतवर्षीपेक्षा ज्वारीचे क्षेत्र कमी झाले आहे. हरभरा, गहू, मक्याचे क्षेत्रही यंदा अधिक आहे.

नैसर्गिक कारणाने नुकसान झाले तर शेतकऱ्यांना आर्थिक मदत मिळावी यासाठी शासन प्रधानमंत्री पीकविमा योजना राबवत आहेत. शेतकऱ्यांना केवळ एक रुपया विमाहप्ता असून, उर्वरित रक्कम केंद्र व राज्य सरकार भरत आहेत. एक रुपयात विमा योजना केल्यापासून विमा योजनेत शेतकऱ्यांचा सहभाग वाढत आहे.

यंदा रब्बी हंगामासाठी पीकविमा भरण्याची अंतिम मुदत १५ डिसेंबर (रविवार) आहे. आजपर्यंत योजनेत आतापर्यंत १ लाख ७९ हजार ८५२ शेतकऱ्यांनी सहभाग घेतला आहे. या शेतकऱ्यांनी ४ लाख २२ हजार २७७ अर्ज केले आहेत.

२ लाख २३ हजार ४९० हेक्टर क्षेत्राचा या शेतकऱ्यांनी विमा उतरवला आहे. शेतकऱ्यांनी १ लाख १७९ हजार ८५२ रुपयांचा हप्ता भरला असून, केंद्र व राज्य सरकारने मिळून राज्य सरकारने १०७ कोटी ७६ लाख ४८ हजारांचा हप्ता भरला असून, १२८१ कोटी ६७ लाख ३० हजार ६२३ रुपये संरक्षित झाले आहेत. यंदा गतवर्षीपेक्षा अधिक शेतकरी सहभाग वाढण्याची शक्यता कृषी विभागाने व्यक्त केली आहे.

शेतकरी सहभाग (कंसात हेक्टर क्षेत्र)

अकोले ७,८४३ (११,४३६)

जामखेड १७,७९३ (२५८१७)

कर्जत २९,५९६ (१६४३३)

कोपरगाव ८,०९१ (९,३५१)

अहिल्यानगर १०,३३५ (१५,०८६)

नेवासा १४,३४४ (१५,९५३)

पारनेर २५,६९३ (३३,८७१)

पाथर्डी १८,०२३ (२१,२००)

राहाता ८,९९१ (१०,६१५)

राहुरी १५,३४६ (१५,६६८)

संगमनेर १९,८३७ (२२,३०६)

शेवगाव ७,१३९ (८,६५०)

श्रीगोंदा ८,६४६ (९,५४२)

श्रीरामपूर ६,५२५ (७,५६५)