Pune News : ‘‘आंबेगाव तालुक्यातील हिरडा उत्पादक शेतकऱ्यांची बँक खाते अपडेट (ई-केवायसी) करण्यासाठी राज्याचे सहकारमंत्री दिलीप वळसे पाटील यांच्या माध्यमातून प्रशासनाने डिंभे खुर्द, तळेघर व अडिवरे ग्रामपंचायत कार्यालयात बुधवारी (ता.१७) कागदपत्र पूर्तता शिबिराचे आयोजन केले आहे.

संबंधित शेतकऱ्यांनी हिरडा नुकसान भरपाई रक्कम आपल्या बँक खात्यात जमा होण्यासाठी बँक खते अपडेट करून घ्यावे. विनामूल्य ई-केवायसी सुविधा उपलब्ध आहे,’’ अशी माहिती आंबेगाव तालुका पंचायत समितीचे माजी सभापती संजय गवारी यांनी दिली.

ते म्हणाले, ‘‘आधार कार्ड, बँक पासबुक, आधारकार्डला लिंक असलेला मोबाईल सोबत घेऊन यावे. सदर ठिकाणी संगणक चालक मदत करणार आहेत. गरज वाटल्यास शिबिराचा कालावधी वाढविला जाईल.’’

शिबिराचे ठिकाण व समाविष्ट गावे

डिंभे खुर्द ग्रामपंचायत कार्यालय : फुलेवाडी, राजेवाडी, गोहे खुर्द, गोहे बुद्रुक. तळेघर ग्रामपंचायत कार्यालय : साकेरी, महाळुंगे, पोखरी, चिखली, मेघोली, पाटण, कुशिरे बुद्रुक, कुशिरे खुर्द, फलोदे, सावरली,

तळेघर, पिंपरी, जांभोरी, निगडाळे, कोंडवळ, राजपूर, गाडेवाडी, तेरुंगण. अडिवरे ग्रामपंचायत कार्यालय : पंचाळे बुद्रुक, पांचाळे खुर्द, मेनुंबरवाडी आसाणे, माळीण, आमडे, बोरघर, अडिवरे, आहुपे, पिंपरगणे, कोंढरे, दिगद, नाव्हेड, डोण, तिरपाड, नानवडे.

संपर्क साधा

काही अडचण आल्यास मारुती लोहकरे मोबाईल क्रमांक ९४२३२४३२९५ किंवा निवृत्ती गवारी ८८८८२५९११६ यांच्याशी संपर्क साधावा असे आवाहन करण्यात आले आहे.