Chh. Sambhajinagar News : जिल्ह्यातील सर्वसाधारण ६ लाख ८१ हजार ९०३ हेक्टर क्षेत्राच्या तुलनेत २ लाख २६ हजार ७४९ हेक्टरवर खरिपाची पेरणी झाली आहे. म्हणजे सर्व साधारण क्षेत्राच्या तुलनेत ३३.२५ टक्के क्षेत्रावर खरिपाची पेरणी आटोपली आहे.

यंदाच्या खरिपात कपाशीचे क्षेत्र घटण्याचा अंदाज व्यक्त केला जात आहे. छत्रपती संभाजीनगर जिल्हा कापूस उत्पादक जिल्हा म्हणून ओळखला जातो. जिल्ह्यात कपाशीचे सर्वसाधारण क्षेत्र तीन लाख ८८ हजार ५३३ हेक्टर आहे.

त्या तुलनेत प्रतीक्षा २८.८५ टक्के म्हणजे १ लाख १२ हजार ८२ हेक्टरवर कपाशीची लागवड झाली आहे. कपाशी पाठोपाठ महत्त्वाचे पीक असलेल्या मक्याचे सर्वसाधारण क्षेत्र एक लाख ८५ हजार ६८२ हेक्टर असताना प्रत्यक्षात ८३,६६० हेक्टर म्हणजे सर्वसाधारण क्षेत्राच्या तुलनेत ४५ टक्के क्षेत्रावर मक्याची पेरणी झाली आहे.

बाजरीचे सर्वसाधारण क्षेत्र २२१२८ हेक्टर असताना प्रत्यक्ष २७२३ हेक्टर क्षेत्रावर बाजरीची पेरणी झाली आहे.

मुगाची सर्वसाधारण ११ हजार ७ हेक्टर क्षेत्राच्या तुलनेत ४८६७ हेक्टर, उडदाच्या ३६९१ हेक्टर क्षेत्राच्या तुलनेत ६४३ हेक्टरवर, सोयाबीनची २७,८०० हेक्टर क्षेत्राच्या तुलनेत ७१०१ हेक्टरवर, भुईमुगाची ६३८५ हेक्टर क्षेत्राच्या तुलनेत २५४३ हेक्टरवर पेरणी झाली असल्याची माहिती कृषी विभागाकडून देण्यात आली.