Solapur Electricity News : महावितरणच्या पुणे प्रादेशिक विभागांतर्गत येणाऱ्या सोलापूर, कोल्हापूर, सांगली, सातारा व पुणे जिल्ह्यात आर्थिक वर्ष २०२२-२३ मध्ये एकूण ६१ हजार ३७८ शेतकऱ्यांच्या कृषिपंपांना नवीन वीज जोडण्या देण्यात आल्या असून, या एकूण जोडण्यामध्ये सोलापूर जिल्ह्यात सर्वाधिक १८ हजार ७४० जोडण्या देण्यात आल्या आहेत.

पुणे विभागात पुणे जिल्ह्यात १३ हजार ३५५ कृषिपंपांना नवीन वीज जोडण्या देण्यात आल्या असून, सांगली जिल्ह्यात ११ हजार ९४० जोडण्या, सातारा जिल्ह्यात १० हजार ४०८ जोडण्या देण्यात आल्या. कोल्हापूर जिल्ह्यात ६९३५ जोडण्या देण्यात आल्या आहेत.

तर सोलापूर जिल्ह्यात सर्वाधिक १८ हजार ७४० जोडण्या देण्यात आल्या. महावितरणने मागेल त्या शेतकऱ्याला वीज जोडणी देण्याचे उद्दिष्ट ठरविले असून, शेतकऱ्यांनी नवीन वीज जोडणीचा रीतसर अर्ज सादर करावा, असे आवाहन करण्यात येत आहे.

आकडे टाकून अनधिकृत वीज वापर करू नये, जर केल्यास विद्युत अधिनियम २००३ च्या कलम १३५ नुसार कारवाई करण्यात येईल, असा इशाराही महावितरणकडून देण्यात आला आहे.