Kolhapur News : ‘‘या गळीत हंगामात सहा लाख टन ऊस गाळपाचे उद्दिष्ट असून, १२.५० चा सरासरी साखर उतारा करण्याचे नियोजन आहे.

इतर साखर कारखान्यांच्या बरोबरीने उसाला दर देणार आहोत,’’ असे प्रतिपादन लोकनेते सदाशिवराव मंडलिक साखर कारखान्याचे अध्यक्ष संजय मंडलिक यांनी केले.

मंडलिक साखर कारखान्याच्या २५ व्या गळीत हंगामाच्या प्रारंभ प्रसंगी ते बोलत होते. या वेळी अध्यक्ष संजय मंडलिक व उपाध्यक्ष शिवाजीराव इंगळे, सर्व संचालक, मान्यवरांच्या हस्ते गव्हाणीत उसाची मोळी टाकून गळीत हंगामाचा प्रारंभ करण्यात आला.

या वेळी संचालक महेश घाटगे व युगंधरा घाटगे यांच्या हस्ते धार्मिक विधी झाले. संचालक एन. वाय. पाटील यांनी स्वागत केले. संचालक सत्यजित पाटील यांनी प्रास्ताविक केले.

या वेळी उपाध्यक्ष शिवाजीराव इंगळे, आर. डी. पाटील, मसू पाटील, मारुतराव काळुगडे, नारायणराव मुसळे, रामचंद्र सांगले, शहाजी यादव यांच्यासह सर्व संचालक मंडळ उपस्थित होते. अविनाश चौगुले यांनी सूत्रसंचालन केले.