Santosh Deshmukh Murder News : मागील ९० दिवसांपासून वादाच्या भोवऱ्यात अडकलेले महायुती सरकारचे राज्य अन्न व पुरवठा मंत्री धनंजय मुंडे यांनी अखेर मंगळवारी मुख्यमंत्र्यांकडे राजीनामा दिला आहे. तर मुख्यमंत्री देवेंद्र फडणवीस यांनी मुंडे यांचा राजीनामा स्वीकारून मुंडे यांना मुक्त केलं आहे, असं फडणवीस यांनी माध्यमांना सांगितलं.

याबद्दल मुख्यमंत्री फडणवीस म्हणाले," मंत्री धनंजय मुंडे यांनी राजीनामा माझ्याकडे दिला आहे. मी त्यांचा स्वीकारला आहे. आणि पुढील कारवाईसाठी राज्यपालांकडे पाठवला आहे. धनंजय मुंडे यांना राजीनामा स्वीकारून मुक्त करण्यात आलं आहे." अशी माहिती राज्याचे मुख्यमंत्री देवेंद्र फडणवीस यांनी विधीमंडळ परिसरात पत्रकार परिषदेत दिली. तर उपमुख्यमंत्री अजित पवारांनी यावर प्रतिक्रिया देताना मुंडे यांनी नैतिकेच्या मुद्द्यावर राजीनामा दिल्याचं सांगितलं.

बीड जिल्ह्यातील मस्साजोगचे सरपंच संतोष देशमुख यांच्या हत्येचे चार्जशीटमधील कौर्याची परिसीमा ओलांडणारे फोटोज आणि व्हिडिओ सोशल मिडियावर व्हायरल झाल्यानंतर या प्रकरणात सार्वत्रिक संतापाची प्रतिक्रिया उमटली.

तसेच राज्याचे अन्न व पुरवठा मंत्री धनंजय मुंडे यांच्या राजीनाम्याच्या मागणीने जोर धरला. त्यामुळे राज्याचे अन्न व पुरवठा मंत्री मुंडे यांनी अधिवेशनाच्या दुसऱ्या दिवशी (ता.४) कामकाजाला सुरुवात होण्यापूर्वी मुख्यमंत्री देवेंद्र फडणवीसांकडे राजीनामा सुपूर्द केला. परंतु मुंडे यांचं विधिमंडळाचं सदस्यत्व म्हणजेच आमदारकी रद्द करण्यात यावी, अशी मागणी आता विरोधकांकडून केली जात आहे. मुंडे यांच्यामहायुती सरकारला पहिला झटका