Solapur News : गेल्या काही वर्षात करमाळा तालुक्याच्या जिराईत भागातील पारंपरिक तेलबिया क्षेत्रावर वरचेवर घट होत असल्याचे दिसून येत आहे. सूर्यफूल, तीळ, जवस, करडई या तेलवर्गीय पिकांची पेरणी अत्यल्प झाली आहे. त्यातच गतवर्षी पावसाने मोठा फटका दिल्याने यंदा रब्बी हंगामात तेलवर्गीय पिके अल्प प्रमाणात असल्याचे पाहावयास मिळत आहे.

गेले काही वर्षापासून पारंपरिक पिके नष्ट होऊन त्या जागी नगदी पिके घेण्याकडे शेतकऱ्यांचा कल वाढला आहे. त्यामुळे घरगुती वापरामध्ये शेंगदाणा, करडई, तीळ, सूर्यफूल आदी तेलाचा वापर हळूहळू कमी कमी होत आहे. गेल्या काही वर्षात सोयाबीनचा प्रचंड प्रमाणात प्रसार व प्रचार करण्यात येत असल्याने शेतकरी आता करडई, सूर्यफूल, भुईमूग लागवड करणे टाळू लागले आहेत.

भाजीपाला व फळबागांचे क्षेत्र

करमाळा भाजीपाल्याचे सरासरी क्षेत्र ५३३२ हेक्टर आहे. यामध्ये कांदा चार हजार ४६७ हेक्टर, टोमॅटो १७६ हेक्टर

क्षेत्र आहे. तर फळबागांचे सरासरी क्षेत्र तीन हजार ५२८ हेक्टर आहे. यामध्ये केळीचे सरासरी क्षेत्र तीन हजार ५७ हेक्टर आहे.

रब्बी पेरणीचे क्षेत्र

तीळ : ००

जवस ; ००

सूर्यफूल : ००

करडई : २२ हेक्टर

ज्वारी : ३५ हजार २९० हेक्टर

मका : दोन हजार ३४२ हेक्टर

गहू : एक हजार ७१६ हेक्टर