Nashik News: गेल्या अडीच वर्षांत सर्वसामान्य माणूस केंद्रस्थानी ठेवून झपाटून काम केले आहे. त्यामुळे सर्वसामान्य माणसाचा विश्वास आमच्या सरकारवर आहे. विधानसभा निवडणुकीत मिळवलेले यश सर्वसामान्यांच्य विश्वासाचे आहे. कुणी काही म्हणाले तरी ‘लाडकी बहीण’ योजना बंद होणार नाही, असे उपमुख्यमंत्री एकनाथ शिंदे यांनी स्पष्ट केले.

हिवाळी (ता. त्र्यंबकेश्वर) या आदिवासी भागातील जिल्हा परिषद प्राथमिक शाळेच्या नव्या इमारतीचे लोकार्पण शुक्रवारी (ता. १४) उपमुख्यमंत्री शिंदे यांच्या हस्ते करण्यात आले. त्या वेळी ते बोलत होते.

या वेळी शालेय शिक्षणमंत्री दादा भुसे, अन्न व औषध प्रशासनमंत्री नरहरी झिरवाळ, दिंडोरी लोकसभा मतदार संघाचे खासदार भास्कर भगरे, इगतपुरी-त्रंबकेश्वरचे आमदार हिरामण खोसकर आदी उपस्थित होते.

शिंदे म्हणाले, की ग्रामीण भागात गुणवत्तापूर्ण शिक्षण ही काळाची गरज आहे. त्यासाठी आदर्श शाळा काम करण्यासाठी काम करावे लागेल. राज्यभरात दुर्गम भागातील हिवाळीसारख्या मॉडेल शाळा उभारा, असे आवाहन त्यांनी केले.