Crop Loan Agrowon
ॲग्रो विशेष

Crop Loan Limit : अहिल्यानगर जिल्हा बॅंकेकडून पीककर्ज मर्यादेत एकरी दहा हजारांची वाढ

Ahilyanagar DCC Bank : अहिल्यानगर येथे जिल्हा मध्यवर्ती सहकारी बँकेने बाजरी, ज्वारीच्या पीककर्ज मर्यादेत एकरी दहा हजाराने वाढ केली आहे.

Team Agrowon

Ahilyanagar News : अहिल्यानगर येथे जिल्हा मध्यवर्ती सहकारी बँकेने बाजरी, ज्वारीच्या पीककर्ज मर्यादेत एकरी दहा हजाराने वाढ केली आहे. त्यामुळे आता ज्वारी, बाजरी या भुसार पिकांसाठी एकरी चाळीस हजार रुपयांचे पीक कर्ज मिळेल. नव्या वर्षात शेतकऱ्यांना याचा लाभ मिळणार आहे.

अहिल्यानगर येथे जिल्हा मध्यवर्ती बॅंकेने सातत्याने शेतकरी हिताचे वेगवेगळे निर्णय घेतले आहेत. खरिपात तसेच रब्बीत ज्वारी, बाजरी या भुसार पिकांना पीककर्ज देताना एकरी ३० हजार रुपयांचा मर्यादेत पीककर्ज दिले जात होते.

त्यात वाढ करावी, अशी मागणी होत असल्याने बुधवारी (ता. २६) झालेल्या संचालक मंडळ सभेमध्ये २०२५-२६ करिता खरीप व रब्बी हंगामातील बाजरी व ज्वारी पिकासाठी दहा हजार रुपयांनी एकरी कर्जमर्यादेत वाढ केल्याचा निर्णय घेतला.

त्यामुळे आता शेतकऱ्यांनी ज्वारी, बाजरी पिकांसाठी एकरी चाळीस हजारांचे कर्ज मिळणार असल्याचे बॅंकेचे अध्यक्ष आमदार शिवाजी कर्डिले यांनी सांगितले. जिल्हा सहकारी बँकेने आतापर्यंत अल्पमुदत पीककर्जाकरिता २४२१ कोटींचे कर्जवाटप केलेले आहे.

जिल्ह्यातील शेतकऱ्यांनी त्यांच्याकडील ३१ मार्च २०२५ अखेर असलेल्या वसुलास पात्र पीककर्ज रकमेचा वेळेत भरणा करून शासनाच्या व्याज परतावा धोरणाचा फायदा घेऊन तीन लाखांपर्यंतच्या पीक कर्जास शून्य टक्के व्याजदराचा फायदा घ्यावा.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Marathwada Rain: मराठवाड्यात पाऊस उघडीप देणार; राज्यात पावसाचा जोर पुढील ५ दिवस कमीच राहणार

Fake PM Kisan Link : शेतकऱ्यांनो, खोट्या मेसेज अन्‌ लिंकपासून सावध राहा

Heavy Rain Marathwada : मराठवाड्यातील सहा जिल्ह्यांतील ७३ मंडलांत धो-धो पाऊस

7/12 Land Records: सातबारा उताऱ्यावरील नोंदींसाठी नवीन नियंत्रण कक्ष; आता एकही अर्ज प्रलंबित राहणार नाही

Swamitva Yojana : बासष्ट हजार जणांना मिळाली मिळकत पत्रिका

SCROLL FOR NEXT