Solapur News : सोलापूर जिल्ह्यात यंदाच्या हंगामातील डिसेंबरअखेर १४ कारखान्यांनी शंभर टक्के ‘एफआरपी’ दिली असून, २० कारखान्यांकडे १९२.७३ कोटी रुपये एफआरपी थकित आहे. नोव्हेंबर अखेर जिल्ह्यातील कारखान्यांकडे ७३ कोटी रुपये एफआरपी थकित होती. महिनाभरात त्यामध्ये १२० कोटींनी वाढ झाली आहे.
सोलापूर जिल्ह्यात यंदाच्या हंगामात १५ डिसेंबरपर्यंत ३४ कारखान्यांनी ५४ लाख ४७ हजार ३८८ टन उसाचे गाळप केले. कारखान्यांनी त्याचे एक हजार १९१ कोटी रुपये शेतकऱ्यांना ऊसबिलाच्या स्वरूपात दिले आहेत. १४ कारखान्यांनी बेसिक रिकव्हरीप्रमाणे १०० टक्के एफआरपी दिली आहे.
नोव्हेंबरअखेर ११ कारखान्यांकडे ७३ कोटी रुपये एफआरपीची थकबाकी होती. उसाचा पहिल्या हप्त्याची स्पर्धा करताना नोव्हेंबरच्या पहिल्या पंधरवड्यात गाळप झालेल्या उसाची २३ कारखान्यांनी शंभर टक्के बिले दिली होती. आता निम्मा हंगाम संपला आहे. हंगाम जसजसा पुढे सरकत चालला आहे, तसतशी थकित एफआरपीची रक्कम मात्र वाढत चालल्याचे आकडेवारीवरून दिसते.
एफआरपीची थकबाकी असलेले कारखाने
कारखाना दिलेली एफआरपी थकित
(कोटी) (कोटी)
सिद्धेश्वर २३.८० १५.२२
संत दामाजी २३.१४ ९.३२
संत कुर्मदास ७.८० १०.८८
लोकनेते १४.३२ २८.९४
सासवड ३४.३१ १.४३
लोकमंगल
बिबीदारफळ ६.८९ २.८८
सिद्धनाथ २८.५८ ०.२६
लोकमंगल
भंडारकवठे २७.२९ १०.६७
जकराया १७.०४ ८.०६
इन्द्रेश्वर १०.७२ ८.०२
भैरवनाथ, विहाळ ३० ७.७४
भैरवनाथ, लवंगी १६.०० १३.९०
युटोपियन २८.४९ ९.१४
भैरवनाथ, आलेगाव ५.४९ ८.२६
बबनरावजी शिंदे ६३.३१ १४.०८
व्हीपी शुगर्स २२.९१ १०.६१
आष्टी शुगर १२.३१ १.०९
धाराशिव, सांगोला १३.२८ ५.०८
आवताडे शुगर्स २८.०८ ७.८०
विठ्ठल, वेणूनगर ५९.०८ १९.३५
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.