Nashik News : महड (ता. बागलाण) येथील शेतकरी नवल दशरथ आहिरे यांच्या शेतातील शेततळे कमकुवत झाल्यामुळे फुटल्याने शेतकऱ्यांचे मोठ्या प्रमाणात नुकसान झाले.

विधानसभा निवडणुकीची धामधूम संपल्यानंतर तातडीने आमदार दिलीप बोरसे यांनी सामाजिक बांधिलकी जोपासत नुकसानग्रस्त शेतकऱ्यांना धीर दिला आहे. शेतात पाण्याचा विसर्ग झाल्याने सर्वत्र चिखलाचे साम्राज्य पसरले होते.

शेततळ्याला मोठे भगदाड पडल्याने शेततळ्यातील पाणी नवल दशरथ आहिरे यांच्या शेतातून शेजारील शेतकरी वसंत शंकर सोनवणे, हिरामण आहिरे, विलास रामचंद्र कापडणीस यांच्यात शेतात शिरून कांदा, मका तसेच कांद्याच्या बियाण्यांचे व रोपांचे मोठ्या प्रमाणात आर्थिक नुकसान झाले.

आमदार दिलीप बोरसे यांना घटनेची माहिती मिळताच त्यांनी घटनास्थळ गाठून महसूल विभागाला तातडीने घटनेचा पंचनामा करून त्यांना लवकरात लवकर शासकीय मदत मिळवून देण्याचे आदेश दिले आहेत.