Pune News : सतत खंडित होणाऱ्या वीज पुरवठ्यामुळे नारायणगाव,वारूळवाडी परिसरातील शेतकरी, ग्रामस्थ, व्यापारी त्रस्त झाले आहेत. आज सकाळपासून सात ते आठ वेळा वीज पुरवठा खंडित झाला. सतत खंडित होणाऱ्या वीस पुरवठ्यामुळे पाण्याअभावी नवीन इमारतीच्या बांधकामे, वेल्डिंग,बँकिंग, शेतीच्या मशागतीची कामे ठप्प झाली आहेत.

नारायणगाव परिसरात रविवारी मुसळधार पाऊस झाला. त्यानंतर वीज पुरवठा खंडित झाला. आज सकाळी वीज पुरवठा सुरळीत झाला. मात्र सायंकाळी चार वाजेपर्यंत सात ते आठ वेळा वीज खंडित झाला. पतसंस्था, बँकाचे आर्थिक व्यवहार ऑनलाइन होतात.

सतत वीजपुरवठा खंडित होत असल्याने बँकांच्या कामकाजावर परिणाम झाला. पाण्याअभावी नवीन इमारतीचे बांधकामे व वेल्डिंगची कामे ठप्प झाली. विजेअभावी पाणी उपलब्ध होत नसल्याने पिकाच्या फवारणीचे नियोजन कोलमडले

येथील उपकेंद्रातील ब्रेकर नादुरुस्त झाला होता. गाव येथील लक्ष्मी थिएटर जवळ फिडर मध्ये दोष निर्माण झाला होता. दोष सापडण्यास उशीर झाल्याने फिडर बंद ठेवावे लागत होते. नारायणवाडी येथील डीपी नादरुस्त झाली होती. साहित्य उपलब्ध होतात डीपी चे काम पूर्ण करण्यात आले आहे.

आर. एन. बनकर, शेंडेकर ( अभियंता महावितरण)