Daund News : शेतमालाच्या बाजारभावाच्या सतत होत असलेल्या चढ उतारामुळे शेतकरी बांधवांनी गटाच्या माध्यमातून प्रक्रिया उद्योगाची तयारी करून गटाचा ब्रँड विकसित करावा, असे प्रतिपादन आत्माचे तालुका तंत्रज्ञान व्यवस्थापक महेश रूपनवर यांनी केले.

कृषी विभाग, आत्मा आणि बँक ऑफ महाराष्ट्राच्या महाराष्ट्र ग्रामीण विकास केंद्र यांच्या संयुक्त विद्यमाने शेतकरी गट व शेतकरी उत्पादक कंपनी याबाबत शेतकरी प्रशिक्षण राजेगाव (ता. दौंड) येथे नुकतेच आयोजन करण्यात आले होते. त्यावेळी श्री रूपनवर बोलत होते. कार्यक्रमप्रसंगी राजेगावच्या कृषी सहायक तेजश्री ढवळे, नवनीत जाधव, राजेश राऊत, विलास चोपडे, देवा फलफले, उमेश निकम, आनंद पटवारे, अनिल खैरे, प्रमोद मोरे, सागर जाधव, अशोक कदम, शहाजी गुणवरे आदी उपस्थित होते.

श्री. रूपनवर म्हणाले की, ‘लोकसंख्या वाढीमुळे दिवसेंदिवस शेतकऱ्याचे धारण क्षेत्र कमी होत आहे. त्यामुळे शेतामध्ये यांत्रिकीकरण, विक्री व्यवस्था, निविष्ठा खरेदी, प्रक्रिया उद्योग याबाबत मर्यादा येत आहेत. यासाठी शेतकरी गट किंवा शेतकरी उत्पादक कंपनीची उभारणी काळाची गरज बनलेली आहे.

जेणेकरून शेतकऱ्यांना बचत करून आपल्या शेती उपयोगी गरजा सहजासहजी भागवण्यासाठी या बचतीचा फायदा होत आहे. या बचतीचा शेतकऱ्यांना बचत करून आपल्या शेती उपयोगी गरजा सहजासहजी भागवण्यासाठी फायदा होत आहे. कार्यक्रमात गणेश शेतकरी बचत गटाचे अध्यक्ष सोपान चोपडे यांनी प्रास्ताविक केले. तर सचिव गणेश जाधव यांनी आभार मानले.

गटांतील शेतकऱ्यांना लाभांश वाटप

कृषी विभागाचा आत्मा अंतर्गत राजेगाव येथे मागील दोन वर्षांपूर्वी श्री गणेश शेतकरी गटाची स्थापना करण्यात आली. या शेतकरी गटात एकूण शंभर सभासद आहेत. प्रति महिना पन्नास हजार रुपये बचत जमा केली जाते. आतापर्यंत १३ लाख ६७ हजार रुपये बचत करण्यात आली आहे. त्यातून सभासदांना ११ लाख १० हजार रुपये कर्ज वाटप करण्यात आले आहे. या कर्जाच्या व्याजाच्या रकमेपोटी तब्बल २ लाख २० रुपये उत्पन्न गटाला मिळाले आहे. हे मिळालेले उत्पन्न शेतकऱ्यांना वस्तू स्वरूपात देण्यासाठी आज लाभांश वाटप करण्यात आला.