मराठी डिजिटल पत्रकारितेच्या क्षेत्रात सकाळ.कॉमने आपल्या सातत्यपूर्ण कामगिरीच्या जोरावर सलग दुसऱ्या महिन्यात अव्वलस्थानी राहण्याची किमया साधली आहे. मे महिन्यानंतर जून २०२५ मध्येही सकाळ.कॉम ही महाराष्ट्रातील क्रमांक एकची न्यूज वेबसाईट बनली आहे.

कॉमस्कोर (Comscore) च्या ताज्या अहवालानुसार, जून २०२५ मध्ये तब्बल २१.२ दशलक्ष (मिलियन) युनिक वाचकांनी eSakal.com ला भेट दिली. त्यामुळे eSakal.com सलग दुसऱ्या महिन्यात महाराष्ट्रातील डिजिटल वेबसाईट्सच्या क्रमावारीत अव्वलस्थानी असणारे वृत्तसंकेतस्थळ बनले आहे.

या यशाने eSakal.com ने लोकमत, एबीपी माझा (ABP Majha), टीव्ही९ मराठी (TV9 Marathi) आणि लोकसत्ता यांसारख्या मराठी माध्यमातील मोठ्या ब्रँड्सना मागे टाकले असून आपल्या नावाचा डंका पुन्हा एकदा वाजविला आहे.

2025 मध्ये नव्या उमेदीने वाटचाल करण्याच्या संकल्पासह सकाळ.कॉमने भूतकाळाची कात टाकत जानेवारी, मे आणि जून महिन्यांत दिग्गज मीडिया ब्रँड्सना मागे टाकून मराठी डिजिटल पत्रकारितेच्या विश्वात आपली दावेदारी निश्चित केली आहे.

सकाळ.कॉमने मे आणि जून या दोन सलग महिन्यांत मिळवलेले हे यश केवळ आकडेवारी नसून वाचकांचा अढळ विश्वास आणि ई-सकाळ टीमची अथक मेहनत, याचीच ही पावती आहे. सातत्यपूर्ण ताज्या अपडेट्स, अचूक माहिती, विशेष वेबस्टोरीज आणि बातम्यांची वेगळी, आकर्षक मांडणी यामुळे वाचकांनी ई-सकाळवर आपल्या पसंतीची मोहोर पुन्हा उमटवली आहे.

गेल्या काही महिन्यांपासून वेबसाईटवर अनेक नव्या विभागांसह राजकारणातील ताज्या घडामोडी, मनोरंजन, क्रीडा, विज्ञान, तंत्रज्ञान आणि हायपरलोकल बातम्या यासारखे विविध प्रयोग करून विविध वयोगटातील वाचक eSakal.com शी जोडण्याचा प्रयत्न केला आहे. आकर्षक मांडणी, दर्जेदार कंटेंट, वेबस्टोरीज आणि इन्नोव्हेटिव्ह फॉरमॅट्समुळे वाचकांची पसंती मिळवण्यात यश आले.

या यशामागे सकाळच्या सर्व विभागांच्या टीमचं सहकार्य, एकत्रित नियोजन आणि योग्य कंटेंट स्ट्रॅटेजी (Content Strategy) आहे. प्रिंट (Print), डिजिटल (Digital), सोशल मीडिया (Social Media) आणि व्हिडिओ (Video) या सर्वच प्लॅटफॉर्म्सवर सकाळने आपली छाप उमटवली आहे. याचा परिणाम म्हणजे दररोज लाखो वाचकांचा विश्वास आणि त्यातून मिळणारे हे यश आहे.