Summer Heat : उन्हाचा तडाखा वाढल्याचा थेट परिणाम शेतमालावर होत आहे. पाटबंधारे विभागाकडून पाण्याच्या नियोजनासाठी उपसाबंदी लावल्याने अनेक ठिकाणी भाजीपाल्याची पिके वाळण्याची शक्यता आहे. दरम्यान काही ठिकाणी भाजीपाला वाळल्याने बाजारातील आवक कमी झाली आहे.

मेथी, पोकळा, कोथिंबीरचे दरात किंचीत वाढ झाली आहे. तर फळभाज्यांचीही आवक मंदावली आहे, फळांचे दर किलोमागे वाढले आहेत. कलिंगडची आवक मंदावल्याने दरही वाढले आहेत. उन्हाची तीव्रता वाढल्याने त्याचा बाजारावर परिणाम झाला.

भाजीपाल्याचे दर

मेथी पेंडी - २५ ते ३० रुपये पेंडी, पालक १५, पोकळा १५ ते २०, अंबाडा १०, पालक- १० ते १५, करडा- २०, तांदळी १५, कोथिंबीर २५ ते ३५, कांदापात- २० रुपये.

फळभाज्यांचे किलोचे दर

टोमॅटो १० ते २० रुपये, वांगी ८०, कारली ४० ते ६० फ्लॉवर- २० ते ४०, कोबी १५ ते २५, ढोबळी मिरची - ६० ते ८०, गवार (देशी)- ८० ते १००, गाजर ४०, बीन्स २५०, वरणा ८०, काकडी (देशी) ५०, काकडी (काटेरी) ४० ते ६०, शेवगा ५ नग १०, लिंबू २ नग १०, दुधीभोपळा- १० ते २० रुपये नग, बीट ५ रुपये नग, मका कणीस ५ रुपये नग, स्वीटकॉर्न ७ ते १० रुपये नग, कांदा- २० ते ३० रुपये किलो.

फळांचे दर

रत्नागिरी हापूस ५ डझन पेटी- १२०० ते २५०० रुपये, देवगड हापूस- २०० ते ४०० रुपये डझन, तोतापुरी- ५ ते २० रुपये नग, पायरी १५०० रुपये पाच डझन पेटी, सफरचंद २०० ते ४०० रुपये, संत्री १०० ते १४० रुपये डाळींब १२५ ते २०० रुपये, चिकू ५० ते ९० रुपये, पेरू ६० ते १०० रुपये कलिंगड ४० ते १०० रुपये नग.