Nirgudsar News: मेंढपाळांच्या सुरक्षेतेसाठी जुन्नर वनविभागाच्या वतीने आणि मंचर वन विभागाअंतर्गत असलेल्या १८ मेंढपाळांना तंबू आणि सोलर लाइटचे वाटप बुधवारी (ता.२९) करण्यात आले आल्याची माहिती मंचर वनपरिक्षेत्र अधिकारी विकास भोसले यांनी दिली.

शिंगवे (ता.आंबेगाव) येथे बिबट्या आणि वन्यप्राण्यांपासून संरक्षक व्हावे म्हणून मेंढपाळांना तंबू व सोलर लाइटचे वाटप करण्यात आले.

मेंढपाळांच्या वाड्यावर अंधार असतो त्यामुळे उजेडाची व्यवस्था व्हावी यासाठी सोलर लाइट आणि मेंढपाळ कुटुंब उघड्यावर झोपत असतो त्यामध्ये बहुतांश लहान मुलांचा समावेश आहे. कुटुंबाच्या सुरक्षेसाठी तंबू देण्यात आले आहे.

बिबट्याबरोबर ऊन, वारा, पाऊस यापासून सुरक्षितता मिळण्यासाठी वन विभागाच्या मार्फत मेंढपाळांना हे वाटप करण्यात आले आहे. यावेळी वनपरिक्षेत्र अधिकारी विकास भोसले, वनपाल प्रदीप कासारे, सोनल भालेराव, वनरक्षक, रेस्क्यू टीम मेंबर यांच्यासह ग्रामस्थ उपस्थित होते.