Panvel News : बाजारपेठेत फुलांना मोठ्या प्रमाणात मागणी वाढली आहे. मात्र, त्या तुलनेत पुरवठा होत नसल्याने बहुतांश सर्वच फुलांचे बाजारभावात वाढ झाली आहे. मार्गशीर्ष महिन्यात फुलांना अधिक मागणी असल्याने फुलांना मागणी वाढील आहे.

मार्गशीर्ष महिन्यात गुरुवारी गृहिणी घरोघरी लक्ष्मीची पूजा करतात. त्यानिमित्ताने करण्यात येत असलेल्या पूजेसाठी फुलांची मागणी आहे. सध्या पाणी टंचाईमुळे फुलांच्या लागवडी कमी प्रमाणात आहेत. मागणीच्या तुलनेत पुरवठा कमी असल्याने फुलांचे बाजारभाव तेजीत आहेत.

गेल्या वर्षी मार्गशीर्ष महिन्यामध्ये शेवंतीचे भाव कमी होते. यामुळे यंदा शेवंतीवर्गीय फुलांची लागवड कमी असल्याने पनवेलमध्ये शेवंती १०० ते १२५ रुपये प्रतिकिलो विकली गेली. दरम्यान, पुढील कमीत कमी एक महिना बाजारभाव टिकून राहतील, अशी शक्यता वाटत आहे.

फुलाचे सध्याचे दर

बिजली - १०० ते १२५ रुपये

झेंडू - ७० ते १०० रुपये

कापरी - ८० ते ११० रुपये

गुलछडी - १२५ ते २०० रुपये

गुलाब - ८० ते १२० रुपये

       (१० नग)