Parbhani News : जिल्ह्यातील खरीप हंगाम २०२३-२४ मधील कापसाची उत्पादकता हेक्टरी ११ क्विंटल ३९ किलो (एकरी ४ क्विंटल ५५ किलो) आली आहे. त्यात रुईचा उतारा हेक्टरी ३ क्विंटल ९८ किलो (एकरी १ क्विंटल ५९ किलो) आला आहे. पीक कापणी प्रयोगाच्या निष्कर्षावरून हे स्पष्ट झाले आहे.

परभणी जिल्ह्यात २०२३-२४ च्या खरीप हंगामात १ लाख ९२ हजार ५२२ हेक्टर कपाशीची लागवड झाली होती. कापसाची उत्पादकता काढण्यासाठी कृषी, महसूल, ग्रामविकास विभागातर्फे एकूण ६१२ पीक कापणी प्रयोगाचे नियोजन करण्यात आले होते.

त्यापैकी ६०४ पीक कापणी प्रयोग झाले. त्यानुसार जिल्ह्याची कापसाची सरासरी उत्पादकता ११ क्विंटल ३९ किलो आली आहे. रुईचे गुणोत्तर ३५ किलोनुसार रुईचा उतारा हेक्टरी ३ क्विंटल ९८ किलो आला आहे.

त्यात परभणी तालुक्यात कापसाची उत्पादकता हेक्टरी १२ क्विंटल ८१ किलो, तर रुईचा उतारा हेक्टरी ४ क्विंटल ४८ किलो आला आहे. जिंतूर तालुक्यातील कापसाची उत्पादकता हेक्टरी १३ क्विंटल ११ किलो, तर रुईचा उतारा हेक्टरी ४ क्विंटल ५९ किलो, सेलू तालुक्यातील कापसाची उत्पादकता हेक्टरी ११ क्विंटल २४ किलो, तर रुईचा उतारा ३ क्विंटल ९३ किलो आला आहे.

मानवत तालुक्यातील कापसाची उत्पादकता हेक्टरी १२ क्विंटल ६८ किलो तर रुईचा उतारा ४ क्विंटल ४४ किलो, पाथरी तालुक्यातील कापसाची उत्पादकता हेक्टरी ८ क्विंटल ४४ किलो तर रुईचा उतारा हेक्टरी २ क्विंटल ९५ किलो, सोनपेठ तालुक्यातील कापसाची उत्पादकता हेक्टरी १२ क्विंटल १९ किलो, तर रुईचा उतारा हेक्टरी ४ क्विंटल २६ किलो आला आहे.

गंगाखेड तालुक्यातील कापसाची उत्पादकता हेक्टरी ८ क्विंटल ७७ किलो, तर रुईचा उतारा हेक्टरी ३ क्विंटल ७ किलो, पालम तालुक्यातील कापसाची उत्पादकता हेक्टरी ७ क्विंटल ८२ किलो, तर रुईचा उतारा हेक्टरी २ क्विंटल ७३ किलो, पुर्णा तालुक्यातील कापसाची उत्पादकता हेक्टरी १२ क्विंटल ९३ किलो, तर रुईचा उतारा ४ क्विंटल ५२ किलो आला असल्याचे स्पष्ट झाले आहे. जिल्ह्याची २०१७ -१८ ते २०२१-२२ या पाच वर्षांतील कापूस रुईचा उतारा सरासरी ३ क्विंटल २ किलो आहे.