प्लॅस्टिक किंवा हिरवळीचे मल्चींग करणे योग्य राहील. काही ठिकाणी मल्चींगसाठी धान तणसाचा वापर होतो. यात सिलीका राहते त्याचा फायदा बागेला होतो, असे निष्कर्ष आहे. या पर्यायामुळे बाष्पीभवन सोबतच फळगळ रोखता येणार आहे. - डॉ. विनोद राऊत, उद्यानविद्या विभाग, नागपूर कृषी महाविद्यालय

विदर्भात सध्या पारा ३४ ते ३६ अंश सेल्सिअसवर पोहोचला आहे. नागपूर जिल्ह्यात पुढील पाच दिवसांत तापमान ३५.३ ते ३८.७ अंश सेल्सिअस दरम्यान राहील. किमान तापमान १८.७ ते २०.८ राहण्याची शक्‍यता आहे.

उष्णतेचा ताण कमी करण्यासाठी मुक्त संचार गोठ्याचा वापर करावा, मुबलक प्रमाणात पिण्यासाठी थंड पाणी उपलब्ध करून द्यावे, आहारात तंतुमय पदार्थ व प्रथिने कमी करावित, वाळलेला चारा देण्यापूर्वी त्याच्यावर पाणी शिंपडावे, चांगल्या प्रतीचा हिरवा चारा उपलब्ध करून द्यावा, हिरवा व सुका चारा कुट्टी करून द्यावा. आहारात चांगल्या प्रतीचा समतोल खुराक द्यावाय. उष्णतेच्या ताणामुळे होणारे आम्ल अपचन टाळण्यासाठी एकत्रित रेशन (टीएमआर) द्यावे. आहारात काही सूक्ष्म पोषणद्रव्ये जसे की जीवनसत्त्व अ, क, ई, सेलेनियम, जस्त द्यावित, आहारात नियमित प्रत्येकी २५-३० ग्रॅम मीठ व खनिजक्षार मिश्रण द्यावे.