Pune News : महाराष्ट्रात विधानसभा निवडणुकीच्या मतमोजणीचे कल हाती येत आहेत. पहिल्या कलांप्रमाणे मुख्यमंत्री शिंदे, उपमुख्यमंत्री फडणीस, उपमुख्यमंत्री अजित पवार यांनी आघाडी घेतली आहे. भुजबळ, दिलीप वळीसे-पाटील पिछाडीवर असून काँग्रेसचे दिग्गज नेते बाळासाहेब थोरात देखील पिछाडीवर आहेत.

बारामतीत काका-पुतण्या

बारामतीत काका-पुतण्याच्या लढाईकडे अख्या राज्याचे लक्ष लागून राहीले असून पहिल्या फेरीत अजित पवारांना ९२९१ मते मिळाली आहेत. तर युगेंद्र पवारांना ५६६८ मतं मिळाली आहे.

परळी विधानसभा

बीड जिल्ह्यातील परळी विधानसभा निवडणुकीकडे सगळ्यांचे लक्ष लागले असून येथे धनंजय मुंडे यांना टपाली मतांमध्ये आघाडी मिळाली नव्हती. पण आता ईव्हीएम मतांमध्ये त्यांनी मोठी आघाडी घेतली आहे.

चंद्रकांत पाटील आघाडीवर

पुण्यातील कोथरूडमधून पोस्टल मतदानातून चंद्रकांत पाटील जवळपास ७००० पेक्षा अधिक मतांनी आघाडीवर आहेत. चंद्रकांत पाटील यांच्या विरोधात उद्धव ठाकरे सेनेचे चंद्रकांत मोकाटे आणि मनसेचे किशोर शिंदे लढत आहेत.

गुलाबराव पाटील यांची आघाडी

जळगाव ग्रामीणमध्ये गुलाबराव पाटील यांनी आघाडी घेतली असून त्यांनी राष्ट्रवादीचे गुलाबराव देवकर यांनी पिछाडीवर टाकले आहे.

भुजबळ मताधिक्य राखणार?

येवल्यामध्ये राष्ट्रवादी काँग्रेस अजित पवार गटाचे छगन भुजबळ हे पिछाडीवर गेले होते. पण आता ते ८६ मतांची आघाडी घेतली आहे. त्यांच्यासमोर माणिकराव शिंदे यांचे आव्हान आहे. तर त्यांचे पुतणे समीर भुजबळ देखील नांदगावमधून पिछाडी असून शिंदे गटाचे सुहास कांदे ८२०० मतांनी आघाडीवर आहेत.

कागलमध्ये समरजित घाटगे आघाडीवर

कागलमध्ये पोस्टल मतमोजणीत राष्ट्रवादी काँग्रेस शरद पवार गटाचे समरजित घाटगे आघाडीवर असून हसन मुश्रीफ पिछाडीवर आहेत.

दिलीप वळसे पाटील पिछाडीवर

आंबेगाव विधानसभेत ईव्हीएम मतमोजणीत आदिवासी भागातून दिलीप वळसे पाटील पिछाडीवर आहेत. शरद पवारांच्या राष्ट्रवादीचे देवदत्त निकम यांनी सुरुवातीच्या कलामध्ये आघाडी घेतली आहेत.

जयंत पाटील आघाडीवर

राष्ट्रवादी शरद पवार गटाचे जयंत पाटील १६ हजार ३१७ मतांनी आघाडीवर आहेत. येथे अजित पवार गटाचे निशिकांत भोसले-पाटील यांना १४ हजार १२० मते मिळाली आहेत. शिवसेना शिंदे गटाचे मंत्री शंभूराज देसाई हे २ हजार ७२२ मतांनी आघाडीवर आहेत.