Pune News : राज्याच्या ग्रामीण भागात बैलगाडा शर्यतीचे प्रचंड वेढ आजही पाहायला मिळते. पण केंद्र सरकारच्या वन व पर्यावरण मंत्रालयाने प्राणी छळ प्रतिबंधक कायदा १९६० चा आधार बैलगाडी शर्यतीवर बंदी घातली होती. ती सुप्रीम कोर्टा २०२१ मध्ये उठवली. यामुळे राज्यात आनंदोत्सव साजरा करण्यात आला होता.

यानंतर आताही राज्यातील विविध भागात मोठ मोठ्या बैलगाडी शर्यती भरविण्यात येतात. यासाठी बक्षीसांची लयलूट करण्यात येते. ज्यात थार गाडी, ट्रॅक्टर, मोटारसायकल आणि रोख रक्कमेचा समावेश असतो. पण यंदा यात १ BHK फ्लॅट भर पडली आहे. यामुळे ही बैलगाडा शर्यत कोठे होणार? बक्षीस कोण देणार आणि कोणी ही शर्यत ठेवली आहे असे एक ना अनेक प्रश्नांवर लोक चर्चा करताना दिसत आहेत.

महाराष्ट्राच्या ग्रामीण भागात आजही बैलगाडा शर्यतीचा बाज पाहायला मिळतो. बंदी उठवल्यानंतर आता गाव-गाव पातळीवर बैलगाडा शर्यतींचे आयोजन केले जात आहे. कोण्या हौसी तर सध्या राजकारण्यांनी यात हात घातला आहे.

राजकारण्यांच्या वाढदिवसाच्या औचित्यावर आता बैलगाडा शर्यतींचे आयोजन होत आहे. ज्यातून बैलगाडा मालकांना मोठ्या रक्कमेसह शौकीनांचे मनोरजंन देखील होत आहे. तसेच बैलगाडा शर्यतीबरोबरच लाखोंचे बक्षीसांची यादी पाहायला मिळते.

१ बीएचके फ्लॅट आणि लाखोंचे बक्षीस

यावेळी एका शर्यतीत १ बीएचके फ्लॅट बक्षीस म्हणून देण्यात येणार आहे. तर दुसऱ्या आणि तिसऱ्या क्रमांकाच्या विजेत्याला ७ आणि ५ लाख रुपये देण्यात येणार आहे.

तसेच हे बक्षीसं सांगलीच्या कासेगावमधील जयंत केसरी बैलगाडा शर्यतीमधील देण्यात येणार आहेत. तर ही शर्यत राष्ट्रवादी काँग्रेस पार्टी शरद पवार गटाचे प्रदेशाध्यक्ष जयंत पाटील यांच्या वाढदिवसानिमित्त होणार आहे. तसेच ती कासेगाव येथील शरद लाहीगडे फाउंडेशनकडून १७ फेब्रुवारी रोजी होणार आहे.

लाखोंचे बक्षीस लाखोंची गर्दी

शरद पवार गटाचे प्रदेशाध्यक्ष जयंत पाटील यांच्या वाढदिवसानिमित्त या शर्यतीचे आयोजन करण्यात आले आहे. तर यासाठी १ बीएचके फ्लॅटसह लाखोंचे बक्षीसांची घोषणा करण्यात आली आहे. यामुळे या बैलगाडा शर्यतीला महाराष्ट्रासह कर्नाटक, मध्यप्रदेशमधून २०० हुन अधिक बैलगाडी स्पर्धक सहभागी होतील असे बोलले जात आहे. तर ही शर्यत १० एकरावर होणार असून किमान १ लाख बैलगाडा शर्यत शौकिनांची बैठक व्यवस्था करण्यात आल्याची माहिती अध्यक्ष अतुल लाहीगडे (शरद फाऊंडेशन) यांनी दिली आहे.