Crop Management Techniques : बारामती येथील कृषी विज्ञान केंद्रातील भाजीपाला गुणवत्ता केंद्राच्या प्रक्षेत्रावर पॉलिहाउस, शेडनेटमधील पीक व्यवस्थापनासाठी सुधारित तंत्रज्ञानाचा वापर करण्यात येत आहे. या तंत्रज्ञानाच्या वापरामुळे भाजीपाल्याचे दर्जेदार उत्पादन मिळते. झाडांची जोमदार वाढ होते. उत्पादनाची गुणवत्ता सुधारण्यासाठी मदत होत आहे.

पॉलिहाउस, शेडनेटमध्ये एक ओळ लागवड पद्धत

जुन्या दोन ओळ लागवड पद्धतीमध्ये रोपांची गर्दी आणि कॅनॉपी व्यवस्थापनासाठी अडचणी येत होत्या. हे लक्षात घेऊन नवीन पद्धतीमध्ये रोपांची संख्या वाढून, कीड-रोग नियंत्रण, आंतर मशागत करता येते. तसेच सर्व फांद्यांना एकसारखा सूर्यप्रकाश मिळतो.

ग्रो फॅब्रिक कव्हर / पॉलिइस्टर कापड (८० जीएसएम)

रंग ः पांढरा

तंत्रज्ञानाचे फायदे

३० टक्के उत्पादन खर्च कमी, उत्पादनात वाढ होते.

भाजीपाला, फळवर्गीय पिकांना संरक्षण मिळते.

वापरण्यास सोपे व उत्पादनास फायदेशीर. पिकांच्या वाढीसाठी सूक्ष्म वातावरण निर्मिती.

केळी बंच कव्हर (३१.५० X ४० इंच)

तंत्रज्ञानाचे फायदे

हे एक विशेष प्रकारचे कव्हर आहे. वातावरणातील बदलांपासून संरक्षण मिळाल्याने फळांची गुणवत्ता सुधारते, उत्पादन वाढते.

पक्ष्यांपासून घडाचे संरक्षण, फळावरील ठिपके व बुरशीजन्य रोगांपासून संरक्षण.

घडाची चकाकी व एक समान फण्या तयार होण्यास फायदेशीर.फळांचे नुकसान कमी होते.

- यशवंत जगदाळे, ९६२३३८४२८७,  ०२११२-२५५५२७, (भाजीपाला गुणवत्ता केंद्र, कृषी विज्ञान केंद्र, बारामती, जि. पुणे)