Bacchu Kadu Agrowon
ॲग्रो विशेष

Bacchu Kadu Protest: कृषिमंत्र्यांच्या निवासस्थानासमोर बच्चू कडू यांचे मशाल आंदोलन

Farmer Loan Waive Protest: शेतकऱ्यांना आश्वासित कर्जमाफी अद्याप मिळालेली नसल्याच्या पार्श्वभूमीवर प्रहार जनशक्ती पक्षाने नाशिकमध्ये कृषिमंत्री माणिकराव कोकाटे यांच्या निवासस्थानासमोर मशाल आंदोलन छेडले.

मुकूंद पिंगळे

Nashik News: राज्यात सत्तेत असलेल्या महायुती सरकारने जाहीरनाम्यात शेतकऱ्यांना कर्जमाफीचे आश्‍वासन दिले होते; मात्र ते पूर्ण केलेले नाही. शेतीमालाला हमीभाव नाही. या मुद्द्यावर प्रहार जनशक्ती पक्षातर्फे आक्रमक पवित्रा घेत बच्चू कडू यांच्या नेतृत्वाखाली शुक्रवारी (ता. ११) नाशिक येथे कृषिमंत्री माणिकराव कोकाटे यांच्या निवासस्थानासमोर मशाल आंदोलन करण्यात आले. शेतकऱ्यांचा सात-बारा कोरा करा, यासह विविध मागण्या या वेळी करण्यात आल्या.

महात्मा जोतिबा फुले व भारतरत्न डॉ. बाबासाहेब आंबेडकर यांच्या जयंतीचे औचित्य साधून शेतकरी कर्जमाफी, शेतकऱ्यांच्या शेतीमालाला हमीभाव मिळण्यासाठी ‘प्रहार’तर्फे सत्ताधारी आमदारांच्या घरासमोर मशाल आंदोलन पुकारण्यात आले होते. सुरुवातीला मुंबई नाका येथे बच्चू कडू यांच्या नेतृत्वाखाली प्रहारच्या कार्यकर्त्यांनी मशाल पेटवून आंदोलन सुरू केले.

त्यानंतर रात्री ९:३० पासून कृषिमंत्री माणिकराव कोकाटे यांच्या मायको सर्कलजवळील निवासस्थानासमोर मशाल पेटवून ठिय्या आंदोलन करण्यात आले. बच्चू कडू डोक्यावर फुले पगडी, गळ्यात आसूड आणि हातात महात्मा फुले लिखित ‘शेतकऱ्यांचा आसूड’ हे पुस्तक घेऊन आंदोलनात सहभागी झाले होते.

आंदोलनामुळे मायको सर्कलकडून उंटवाडीकडे जाणाऱ्या रस्त्यावरील वाहतूक ठप्प झाली होती. या वेळी पोलिसांचा मोठा बंदोबस्त तैनात होता. ‘झोपेचे सोंग घेतलेल्या आमदारांना जागे करण्यासाठी हे आंदोलन असल्याचे ‘प्रहार’तर्फे स्पष्ट करण्यात आले. या वेळी ‘प्रहार’चे जिल्हाध्यक्ष शरद शिंदे, प्रहार शेतकरी संघटनेचे जिल्हाध्यक्ष गणेश निंबाळकर, कृष्णा जाधव, दत्तू बोडके, अनिल भडांगे, सागर निकाळे, गणेश काकुस्ते, रूपेश सोनवणे, श्याम गोसावी, अमोल फडताळे, वसंत झांबरे, रेवन गांगुर्डे, प्रवीण वाघ व अमजद पठाण आदी उपस्थित होते.

संपर्क झाल्यानंतर कडू हे मंत्री कोकाटे यांच्या भेटीला

पोलिस उपायुक्त प्रशांत बच्छाव यांनी बच्चू कडू यांच्याशी कृषिमंत्री माणिकराव कोकाटे यांचे फोनवर बोलणे करून दिले. त्यानंतर आंदोलन मागे घ्यावे, वेठीस धरू नये, अशी विनंती कोकाटे यांनी केली. मात्र बच्चू कडू आंदोलनावर ठाम होते. आम्ही तुम्हाला भेटल्याशिवाय जाणार नाही, असे ते म्हणाले. यावर कोकाटे म्हणाले, ‘‘मी सिन्नरला आहे.’’ यावर कडू म्हणाले, की आम्ही दोन पावले पुढे येतो. त्यानंतर कोकाटेंच्या भेटीसाठी बच्चू कडू सिन्नरला रवाना झाले.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

E-Peek Pahani : ‘ई-पीकपाहणी’चा खोळंबा

Crop Damage Survey : बाधित पिकांचे तातडीने पंचनामे करा

Latur Rain : दुसऱ्या दिवशीही लातुरात पावसाच्या जोरदार सरी

Crop Insurance : विमा परताव्याची रत्नागिरीतील ३६ हजार बागायतदारांना प्रतीक्षा

Sugarcane Cultivation : सांगली जिल्ह्यात ऊस लागवडीस गती

SCROLL FOR NEXT