आले, मिरची, टोमॅटो या पिकांवर सड रोगाचा प्रादुर्भाव मोठ्या प्रमाणात आहे. परिणामी, पीक सडून जात आहे. त्यामुळे तीन एकरांमधील आले (अद्रक) पीक पूर्णपणे बसून गेले आहे. यावर उपाय मिळत नसल्याने मोठे नुकसान होत आहे. याबाबत कृषी शास्त्रज्ञ, संस्थांनी उपाय शोधून मार्गदर्शन केले पाहिजे.

कृषिपंपासाठी वीजजोड मिळत नाही, शिवाय मिळणारी वीजही अनियमित मिळते. मी दोन वर्षांपूर्वी कोटेशन भरणा केले. अद्यापही वीजजोड मिळाले नाही.

शेतीत उत्पादन खर्च अधिक होत असल्याने दराअभावी फारसे शिल्लक राहत नाही. शेतीमालाच्या हमीभावाबाबत ठोस निर्णय व्हायला हवा. ‘अॅग्रोवन’च्या या कृषी प्रदर्शनातून शेतकऱ्यांना चांगली माहिती मिळत आहे.

सोयाबीनचे हमीभाव केंद्र बारदाना नसल्याने बंद आहेत. परिणामी, शेतकऱ्यांना शेतीमाल बाजारात कमी दराने विक्री करावी लागत आहे. ‘अॅग्रोवन’च्या प्रदर्शनात चांगली माहिती मिळत आहे.

पहिल्यांदा सात एकरांवर उसाचे पीक घेतले. क्षेत्र कमी असल्याने ऊस कारखान्याला जाईल. त्यातही मजुरांचा प्रश्न असल्याने हार्वेस्टरचे तंत्रज्ञान पुढे आले, पण त्यातही लूट होते.