Pune News : बुलढाणा जिल्ह्यातील मेहकर तालुक्यातील डोनगावात स्वाभिमानी शेतकरी संघटनेच्या जिल्हाध्यक्षाने तुफान राडा केला. ज्यात चार ते पाच जणांना गंभीर दुखापत झाली आहे. यामुळे पोलिसांनी जिल्हाध्यक्ष ज्ञानेश्वर टाले यांच्यासह हैदोस घालणाऱ्या १० ते १२ जनांविरोधात गुन्हा नोंद केला आहे.

याबाबत मिळालेली माहिती अशी की, बुलढाण्यातील डोनगाव येथे जागेच्या जुन्या वादातुन दोन गटात तुफान हाणामारी झाली. या हाणामारीचे कारण हे गजानन सातपुते यांच्या ताब्यात असलेल्या दुकान असल्याचे बोलले जात आहे.

या दुकानाचा ताबा घेण्यासाठी जिल्हाध्यक्ष ज्ञानेश्वर टाले यांच्यासह १० ते १२ जनांनी बळजबरीने दुकानात प्रवेश केला. यातूनच हा राडा झाला. यावेळी तेथे असणाऱ्या महिलांना सुद्धा मारहान झाल्याने समोर आले आहे.

तसेच या हाणामारीत स्वाभिमानी शेतकरी संघटनेचे जिल्हाध्यक्ष ज्ञानेश्वर टाले यांच्यासह १० ते १२ जनांनी दुकानात घुसून गजानन सातपुते यांच्यासह इतरांवर हल्ला केला. ज्यात कोयत्याचा वापर करण्यात आला. यामुळे ज्ञानेश्वर टाले यांच्यासह इतर चार ते पाच जन गंभीर जखमी झाले आहेत. त्यांना मेहकर येथील शासकीय रुग्णालयात उपचारासाठी दाखल करण्यात आले असून याची डोनगाव पोलिसांत नोंद झाली आहे.

याप्रकरणी डोनगाव पोलिसांनी शेतकरी संघटनेचे जिल्हाध्यक्ष ज्ञानेश्वर टाले, देवेंद्र आखाडे, वैभव आखाडे यांच्यासह पाच जणांवर गुन्हे नोंद दाखल केले आहेत. तर ज्ञानेश्वर टाले यांनी देखील उलट तक्रार दाखल केली आहे.