Washim Crop Loan Update : या खरीप हंगामार्ज वाटप सुरू असून आतापर्यंत ९१३ कोटी रुपयांचे वाटप करण्यात आले आहे.

जिल्ह्यातील नवीन पीककर्ज घेण्यास पात्र असलेले आणि नूतनीकरणापासून दूर असलेल्या २९ हजार ३६२ शेतकऱ्यांनी ३० जूनपूर्वी पीककर्जाचे नूतनीकरण करावे, असे आवाहन षण्मुगराजन एस. यांनी केले आहे.

या खरीप हंगामासाठी शेतकऱ्यांना विविध बँकांकडून पीककर्ज वाटप करण्यात येत आहे. सन २०२३-२४ या वर्षात जिल्ह्यातील एक लाख ३१ हजार ३८८ शेतकऱ्यांना एक हजार ४०४ कोटी ८४ लाख रुपये खरीप पीककर्ज वाटपाचे उद्दिष्ट दिले आहे.

सोमवार (ता. २६)पर्यंत ९२ हजार ६२६ शेतकऱ्यांना ९१३ कोटी १ लाख २९ हजार रुपये खरीप पीककर्ज वाटप केले आहे.

खरीप पीककर्ज वाटपाचे निर्धारित उद्दिष्ट साध्य करण्यासाठी नवीन पीककर्ज वाटप करणे तसेच पीककर्ज वाढीसह नूतनीकरण करणे आवश्यक आहे.

सर्व बँका पीककर्ज वाटपासाठी गावोगावी शिबिरे घेत आहेत, शेतकऱ्यांच्या घरी जाऊनही कर्जाचे नूतनीकरणाबाबत आवाहन करीत आहेत.