Solapur News : सोलापूर जिल्हा परिषदेच्या मुख्यालयात शुक्रवारी (ता. २१) समुपदेशनाने लिपिक वर्गातील ३१ कर्मचाऱ्यांना पदोन्नती देण्यात आली. पदोन्नतीत पात्र २८ जणांसह स्पर्धा परीक्षा उत्तीर्ण तीन कर्मचाऱ्यांचा यात समावेश आहे.

मुख्य कार्यकारी अधिकारी कुलदीप जंगम, प्रशासन विभागाच्या उपमुख्य कार्यकारी अधिकारी स्मिता पाटील यांच्या उपस्थितीत ही प्रक्रिया राबविण्यात आली. या प्रक्रियेत पदोन्नती पात्र दोन सहायक प्रशासन अधिकाऱ्यांना वरिष्ठ सहायक प्रशासन अधिकारी, सहा वरिष्ठ सहायकांना कनिष्ठ प्रशासन अधिकारी तर २० कनिष्ठ सहायक प्रशासन अधिकाऱ्यांना वरिष्ठ प्रशासन अधिकारी पदावर पदोन्नती देण्यात आली. शुक्रवारी सामान्य प्रशासन विभागातील पदोन्नती प्रक्रिया राबविण्यात आली.

उर्वरित सात विभागांचे २८ पर्यंत समुपदेशन

महिला व बालकल्याण विभाग वगळता बांधकाम, आरोग्य, शिक्षण, पशुसंवर्धन, ग्रामपंचायत, लेखा या सहा विभागातील पदोन्नती प्रक्रियाही समुपदेशनाने राबविण्यात येणार आहे. त्या विभागांकडून लवकरच माहिती प्राप्त होणार आहे. त्यानंतर २८ फेब्रुवारीपर्यंत समुपदेशनाने पदोन्नती देण्यात येणार असल्याचे प्रशासन विभागाच्या उपमुख्य कार्यकारी अधिकारी स्मिता पाटील यांनी सांगितले.

यांना मिळाली पदोन्नती

सहाय्यक प्रशासन अधिकारी ः सूर्यकांत मोहिते, सिद्धराम बोरुटे, कनिष्ठ प्रशासन अधिकारी ः सचिन येडसे , तात्या कांबळे, संजय गिराम. एम. टी. राठोड, पी. पी. जाधव, श्रीकांत जोशी,

वरिष्ठ सहाय्यक ः विजय शेलार , समीर कुंभार, जयश्री सरवदे, संजय कांबळे, वंदना जाधव, चंद्रकांत जगताप, श्यामल अडाकुल, इरफान कारंजे, संजय बाणूर, सुग्रीव सुर्वे, सुनीता भुसारे, विजयकुमार शिंदे, दीपक माने, विकास म्हेत्रे, राहुल सोरटे, सुंदर नागटिळक, नागेश भालेराव, संतोष सातपुते, प्रवीणकुमार पवार, मायादेवी शिंदे, दीपक वाघमारे, कुंडलिक खुर्द, रेणुका प्रथमशेट्टी