Akola News : पश्‍चिम विदर्भात यंदा अकोला जिल्ह्यावर पाऊस रुसल्यासारखी परिस्थिती झाली आहे. कुठे समाधानकारक पाऊस झाला तर काही ठिकाणी जुलैचा पहिला आठवडा संपायला आलेला असताना पेरणीलायक पाऊस सुद्धा झालेला नाही. अकोला जिल्ह्यात यंदा १० मंडले रेडझोनमध्ये आलेले आहेत.

पावसाच्या पहिल्या जून महिन्यात बाळापूर, अकोला, बार्शीटाकळी, मूर्तिजापूर या तालुक्यांत १०० मिलिमीटरच्या आत पाऊस झाला आहे. केवळ अकोट, तेल्हारा व पातूर या तीन तालुक्यांमध्ये १०० मिलीवर पावसाची नोंद झाली. पाऊस झालेला नसतानाही सिंचनाच्या आधारे बऱ्याच शेतकऱ्यांनी पेरणी केली.

बार्शीटाकळी तालुक्यात यामुळेच नियोजित ५६ हजार १०८ हेक्टरपैकी ४७९८९ हेक्टर म्हणजेच जिल्ह्यात सर्वाधिक ८५ टक्के क्षेत्रावर पेरणी झाली. या पाठोपाठ बाळापूर तालुक्यात नियोजित ६०,४१९ पैकी ४७,३७० हेक्टर म्हणजेच ८७ टक्के, तर तेल्हारा तालुक्यात नियोजित ५१,५९१ पैकी ३५,९०८ हेक्टर म्हणजेच ७० टक्के पेरणी झाली. अकोट तालुक्यात ६० टक्के, पातूर ५६.७, अकोला ६५.१६ टक्के तर सर्वांत कमी ३८.१९ टक्के लागवड मूर्तिजापूर तालुक्यात झाली आहे.

मूर्तिजापूर तालुका यंदा पिछाडीवर

या वर्षात मूर्तिजापूर तालुक्यात संपूर्ण जून महिन्यात कमी पाऊस झालेला आहे. त्याचा परिणाम पेरण्यांवर झाला. यात सोयाबीनची नियोजित ३९,१६७ हेक्टरपैकी १९,८५०, तूर ११,५६९ तुलनेत ३,७१५, कपाशी १४,१०६ हेक्टर नियोजित पैकी २,६३२ हेक्टरवरच पेरणी होऊ शकलेली आहे.

जिल्ह्यातील पेरणी

पीक प्रत्यक्ष लागवड टक्के

ज्वारी २९५ ७

मका ३५१ २४९

तूर ४०९४० ७४

मूग ५९९ ३

उडीद ६५४ ६

सोयाबीन १५३७१८ ७७

कपाशी ८८४५१ ५८

एकूण २८५०२४ ६४.३२

१०० मिलिच्या आतील मंडले

अडगाव ९२.२, पारस ८७.८, व्याळा ८४.४, वाडेगाव ९६.५, हातरुण ८६.३, बोरगाव ७२.४, शिवणी ९०.७, पळसो ९७.८, हदगाव ९०.३, लाखपुरी ८०.५,