Sangli News : रब्बी हंगाम सन २०२४-२५ मध्ये प्रधानमंत्री पीक विमा योजनेत जिल्ह्यातील १ लाख २ हजार ३१ शेतकऱ्यांनी पीक विमा घेऊन ६१ हजार ९०८ हेक्टरवरील पिकांचे संरक्षण केले आहे. यामध्ये रब्बी ज्वारी (बागायत), रब्बी ज्वारी (जिरायती), गहू (बागायत), हरभरा व उन्हाळी भुईमूग या पिकांसाठी शेतकऱ्यांनी विमा घेतला आहे,

गतवर्षीच्या तुलनेत यंदाच्या तुलनेत यंदाच्या रब्बी हंगामात विमा घेणाऱ्यांची संख्या ४९ हजार १३६ ने वाढली असल्याची माहिती अशी माहिती कृषी विभागाच्या सूत्रांनी दिली आहे.

जिल्ह्यातील रब्बी हंगामातील पिकांना निसर्गाच्या लहरीपणाचा फटका सहन करावा लागतो. प्रतिकूल परिस्थितीमुळे पेरणी न झाल्यामुळे नुकसान होते. पूर, पावसातील खंड, दुष्काळ, तसेच प्रतिकूल परिस्थितीमुळे पिकांच्या सरासरी उत्पन्नाच्या ५० टक्केपेक्षा जास्त घट होते. यासाठी पीक विमा योजना सुरू केली आहे. त्यासाठी शेतकऱ्यांनी पीक विमा योजनेत अर्ज करणे आवश्यक आहे.

सरकारने एक भरून पीक विमा योजना सुरू केली आहे. यंदाच्या रब्बी हंगामात जिल्ह्यातील शेतकरी पीक विमा योजनेत सहभागी झाले आहेत. गतवर्षीच्या रब्बी हंगामात ५२ हजार ८९५ शेतकऱ्यांनी पीक विमा घेत ३४ हजार ११२ क्षेत्रावरील पिकांना संरक्षण दिले होते. यंदाच्या हंगामात १ लाख २ हजार ३१ शेतकऱ्यांनी विमा घेतला आहे.

तालुकानिहाय रब्बी हंगामातील शेतकऱ्यांनी घेतलेला पीकविमा दृष्टिक्षेप

तालुका कर्जदार बिगर

कर्जदार क्षेत्र (हेक्टरमध्ये)

आटपाडी १०० १९८७१ १२९०४.८४

जत २८ ६२०८४ ३९१८३.६८

कडेगाव ९ १४०२ ५७४.७

कवठेमहांकाळ ४० ६६१७ ३६५७.९८

खानापूर ३० ३१२६ १४३१.६२

मिरज ६ ३६८४ २१७७.५७

पलूस ०० ४८८ ३०७.५६

शिराळा ६६ ३६० ८५.७४

तासगाव ३६ ३८४१ १६९५.६१

वाळवा ६ ५५८ १८८.१८

एकूण ३२१ १०२०३१ ६१९०८