वाशीम : गेल्या काही दिवसांपासून सोयाबीनच्या दरात सातत्याने वाढ होत असून, वऱ्हाडातील वाशीम बाजार याबाबतीत अग्रेसर ठरला अाहे. शनिवारी (ता. २०) येथील बाजारात सोयाबीन ३००० ते ३४२५ रुपये क्विंटल दराने विकले. साेयाबीनच्या दरात वाढ होत असल्यापासून अावकेत सातत्याने सुधारणा होत अाहे. पाच हजार क्विंटल सोयाबीनची आवक झाली होती.  राज्यात वाशीम बाजार समितीत सोयाबीनला सध्या उच्चांकी दर मिळत अाहेत. याचाच परिणाम अावकेवर झाला अाहे. जिल्ह्यासह लगतच्या भागातून या ठिकाणची अावक वाढत अाहे. शनिवारी या बाजारात हरभऱ्याची एक हजार क्विंटल अावक झाली होती. हरभऱ्याला ३२०० ते ३८५० रुपये दर मिळाला. उडादाची विक्री ३२०० ते ३६२० दरम्यान झाली. मुगाचा दर चार ते साडेचार हजार होत. तुरीचा हंगाम सुरू झाला असून, या बाजारात तुरीच्या अावकेतही सुधारणा होऊ लागली अाहे. शनिवारी तीन हजार क्विंटल तुरीची अावक होती.  हमीभाव खरेदी अद्यापही सुरू झालेली नसल्याने सध्या ३९०० ते ४४२० दरम्यान तुरीची विक्री होत अाहे. हळद उत्पादकांसाठी वाशीम येथे विक्री सुविधा असून, शनिवारी सात ते साडेसात हजारदरम्यान हळदीची विक्री झाली. हळदीचा हंगाम अागामी महिन्यात अाता सुरू होत अाहे.