नाशिक : येथील कृषी उत्पन्न बाजार समितीमध्ये हिरव्या मिरचीची आवक गत सप्ताहात अवघी १६५ क्विंटल झाली. आवक कमी प्रमाणात होत आहे. परिणामी, उठाव असल्याने दरात सुधारणा असल्याचे पहायला मिळाले. त्यास प्रतिक्विंटल ३००० ते ४५०० दर मिळाला. तर, सरासरी दर ३७५० रुपये राहिला.

सप्ताहामध्ये उन्हाळ कांद्याची आवक सर्वसाधारण राहिली. आवक १७७५ क्विंटल, तर दर १५०० ते ४५००, तर सरासरी दर ३५०० रुपये राहिला. बटाट्याची आवक ३१३७ क्विंटल झाली. त्यास प्रतिक्विंटल ३२९० ते ३८००, तर सरासरी दर ३४५० रुपये राहिला. लसणाची आवक ४० क्विंटल झाली. त्यास प्रतिक्विंटल ६३०० ते ११५००, तर सरासरी दर ९४५० रुपये राहिला.

फळभाज्यांची आवक सर्वसाधारण असल्याने दरात तेजी कायम आहे. वालपापडी-घेवड्याची आवक ५१९५ क्विंटल झाली. त्यास प्रतिक्विंटल १००० ते १५००, तर सरासरी १२५० रुपये दर राहिला. घेवड्याला प्रतिक्विंटल १५०० ते २५००, तर सरासरी दर २००० रुपये राहिला. गाजराची आवक ९१४ क्विंटल झाली. त्यास प्रतिक्विंटल ३००० ते ४००० तर सरासरी दर ३५०० रुपये राहिला.

फळभाज्यांमध्ये टोमॅटोला प्रतिक्विंटल ५०० ते २०००, तर सरासरी १५०० रूपये दर मिळाला. वांगी २०० ते ४००, तर सरासरी ३०० व फ्लॉवर ४५ ते ८० सरासरी ६० रुपये असे दर प्रति १४ किलोस मिळाले. कोबीला ४६ ते ३००, तर सरासरी १३५ रुपये असे दर प्रति २० किलोस मिळाले. ढोबळी मिरचीला १०० ते २००, तर सरासरी दर १५० रुपये प्रति ९ किलोस मिळाले.