Satara News राज्याच्या वीज निर्मितीच्या (Power Generation) दुष्टीने महत्त्वाचे असलेल्या कोयना धरणात (Koyna Dam) गतवर्षीच्या तुलनेत ५.७५ टीएमसीने कमी पाणीसाठा शिल्लक आहे. कोयना धरणात सध्या एकूण ६०.८७ टीएमसी म्हणजेच ५७.८३ टक्के पाणीसाठा (Water Storage) उपलब्ध आहे.

जिल्ह्यातील गतवर्षीच्या तुलनेत कोयना धरणात कमी, तर तारळी, धोम-बलकवडी धरणात जास्त, तर धोम, कण्हेर, उरमोडी या धरणात गतवर्षी इतकाच पाणीसाठा उपलब्ध आहे. जिल्ह्यात दमदार पर्जन्यमान झाल्याने जिल्ह्यातील धरणे पाण्याने भरून वाहिली होती.

कोयना धरणात गतवर्षी ६६.६२ टीएमसी पाणीसाठा शिल्लक होते. तुलनेत यावर्षी ५.७५ टीएमसीने कमी असून, धरणात ६०.८७ टीएमसी पाणी आहे. तारळी धरणात गतवर्षी ३.६७ टीएमसी पाणी शिल्लक होते.

यावर्षी ४.३५ टीएमसी पाणीसाठा शिल्लक आहे. धोम-बलकवडी धरणात गतवर्षी १.२५ टीएमसी तर सध्या १.७८ टीएमसी पाणीसाठा शिल्लक आहे. धोम, कण्हेर, उरमोडी धरणात गतवर्षीच्या दरम्यान पाणीसाठा शिल्लक आहे.

सध्या धोम धरणात ८.१८, कण्हेर ४.७९ व उरमोडी धरणात ६.८५ टीएमसी पाणीसाठा शिल्लक आहे. उन्हाची तीव्रता वाढत असल्याने पाण्याची मागणी वाढत आहे.

प्रमुख धरणांतील पाण्याची एकूण टक्केवारी

कोयना - ५७.८३, धोम- ६०.६३, कण्हेर- ४७.४२, उरमोडी- ६८.७९, धोम-बलकवडी- ४३.६२, तारळी- ७४.३०.