जळगाव ः खानदेशात रब्बीची पेरणी (Rabi Sowing) २०० टक्क्यांवर पोहोचण्याचा अंदाज आहे. जळगाव जिल्ह्यातील पेरणी (Sowing) वेगात सुरू आहे. त्यात कोरडवाहू हरभरा पेरणी (Chana Sowing) पूर्ण झाली आहे. धुळे व नंदुरबारातील पेरणीदेखील बऱ्यापैकी आहे.

बाजरी पेरणी जानेवारीत सुरू होईल. तसेच कांदा लागवडही झाली आहे. हे क्षेत्र लक्षात घेता पेरणी आणखी वाढेल, असे दिसत आहे. खानदेशात एकूण चार लाख हेक्टरवर रब्बीची पेरणी होणार आहे.

जळगाव जिल्ह्यात रब्बीचे सर्वसाधारण क्षेत्र ९२ हजार हेक्टर आहे. परंतु जळगाव जिल्ह्यात पेरणी सुमारे दीड लाख हेक्टरवर झाली आहे. धुळ्यात सुमारे ३८ हजार हेक्टर एवढे रब्बीचे सर्वसाधारण क्षेत्र आहे. पण तेथेही पेरणी ४० हजार हेक्टरवर होईल.

नंदुरबार जिल्ह्यात सर्वसाधारण क्षेत्र सुमारे ३० हजार हेक्टर आहे. तेथेही पेरणी ३१ हजार हेक्टरपेक्षा अधिक होऊ शकते. जळगाव जिल्ह्यात सुमारे ६० हजार हेक्टरवर ही पेरणी झाली आहे. त्यात कोरडवाहू हरभरा पेरणी पूर्ण झाल्याची माहिती आहे. या जिल्ह्यात रब्बीची पेरणी २०० टक्क्यांवर जाईल.