हिंगोली : जिल्ह्यातील गोरेगाव (ता. सेनगाव) येथील शेतकरी क्रांती संप (Shetkari Samp) सुरू होऊन नऊ दिवस झाले. मात्र लोकप्रतिनिधी न फिरकल्याने संतप्त झालेल्या शेतकऱ्यांनी शनिवारी (ता. २४) वरखेडा (ता. सेनगाव) येथे कृषिमंत्री अब्दुल सत्तार, (Abdul Sattar)आमदार तान्हाजी मुटकुळे (Tahnaji Mutkule)यांच्या प्रतीकात्मक पुतळ्याचे दहन केले.

सेनगाव तालुक्यातील चार मंडळ अतिवृष्टिग्रस्त यादीतून वगळल्यामुळे शुक्रवार (ता.१६) पासून गोरेगाव तसेच परिसरातील शेतकऱ्यांनी संप सुरू केला आहे. सरसकट शेतकऱ्यांना अतिवृष्टी अनुदान, पीकविमा द्यावा. वीजबिल माफ करावे, आदी मागण्यांसाठी दररोज विविध प्रकारची आंदोलने केली जात आहेत.

परंतु या आंदोलनाची शासकीय, प्रशासकीय पातळीवर दखल घेतली जात नाही. त्यामुळे शनिवारी (ता. २४) वरखेडा येथे कृषिमंत्री तसेच आमदारांच्या प्रतीकात्मक पुतळ्याचे दहन करण्यात आले.

हिंगोली : मागण्यांची दखल घेतली जात नसल्याच्या निषेधार्थ वरखेडा (ता. सेनगाव) येथे शेतकऱ्यांनी कृषिमंत्री अब्दुल सत्तार, आमदार तान्हाजी मुटकुळे

यांच्या प्रतीकात्मक पुतळ्याचे दहन केले.