नंदुरबार : मध्य प्रदेश (Madhy Pradesh) सीमेलगत असलेल्या खेडदिगर (ता. शहादा) येथील केळी उत्पादक शेतकऱ्याने केळी पिकावर (Banana Crop) कुकुंबर मोझॅक विषाणूंचा (Mozak Virus) (सीएमव्ही) (CMV) प्रादुर्भाव मोठ्या प्रमाणात झाल्याने केळी पिकावर रोटाव्हेटर फिरविला आहे.

आपल्या पाच एकर शेतातील केळींच्या झाडांवर ट्रॅक्टरने रोटावेटर फिरवून उद्ध्वस्त करण्याची वेळ त्यांच्यावर आली. सीएमव्हीचा प्रादुर्भाव वाढत असल्याने केळी उत्पादक शेतकऱ्यांमध्ये चिंतेचे वातावरण निर्माण झाले आहे.

शहादा तालुक्यातील शेतकरी केळी लागवडीकडे वळला आहे. शेकडो एकरांत लागवड केली आहे. त्यात ब्राह्मणपुरी, सुलवाडे, खेडदिगर, कुढावद परिसर केळीचे आगार म्हणून ओळखले जाते. रोप केळीचे रोप तसेच खोडे

लागवडीपासून तर कमळ फुलेपर्यंत प्रतिरोप मोठ्या प्रमाणावर खर्च शेतकरी करतात त्यातच वाढते मजुरी, खते, कीटकनाशके यांचे दर गगनाला भिडल्याने पीक परवडेनासे झाले आहे. मोठ्या प्रमाणावर खर्च करूनही उत्पादित केळीला केळीला भाव नसल्याने शेतकरी संकटात सापडला आहे.