पुणे ः बोन्साय (मोठ्या झाडाची छोटी प्रतिकृती) हे एकता, सुखशांती, विवेक, निसर्गाचा समतोल व कलेचे प्रतीक मानले जाते. असे विविध प्रकारचे बोन्साय वृक्ष कसे तयार करतात. त्यासाठीचे तंत्रज्ञान या विषयी लेखी तसेच प्रात्यक्षिकासह सविस्तर मार्गदर्शन करणारी विशेष कार्यशाळा शनिवारी (ता. १०) ‘सकाळ ॲग्रोवन’संलग्न शैक्षणिक संस्था ‘एसआयआयएलसी’च्या वतीने बाणेर रस्त्यावरील सकाळनगर येथे आयोजिली आहे.

या कार्यशाळेत बोन्सायचे विविध प्रकार, त्यासाठी रोपांची निवड, बोन्सायकरिता योग्य झाडांची निवड, वृक्षांचे वर्गीकरण, बोन्साय करण्यासाठी तारेचा उपयोग, लागणारी हत्यारे व साधने, खतांची आवश्यकता, बोन्साय पॉट किंवा तबकाची निवड, बोन्साय तंत्र आदीं विषयी बोन्साय विषयातील नामवंत विशेषज्ञ डॉ. एस. डी. जटुरे हे मार्गदर्शन करणार आहेत.

- प्रति व्यक्ती शुल्क ः दोन हजार रूपये
- अधिक माहिती व आगाऊ नावनोंदणीसाठी संपर्क ः ९१४६०३८०३१
- कार्यशाळेचे ठिकाण ः सकाळनगर, बाणेर रोड, गेट नं.१, पुणे.