अंकारा, तुर्कस्तान (वृत्तसंस्था) : युक्रेनियन ओडेसा बंदरातून सोमवारी धान्य घेऊन सोमवारी (ता. १) निघालेल्या जहाजाची (Shipment) इस्तंबूलमध्ये तपासणी करण्यात येणार आहे. स्पुतनिक न्यूज एजन्सीने सूत्रांच्या हवाल्याने ही माहिती दिली. तुर्कस्तानच्या संरक्षण मंत्रालयाने सोमवारी युक्रेनियन बंदरातून धान्यासह पहिले जहाज लेबनॉनसाठी रवाना झाल्याची पुष्टी केली.

तत्पूर्वी, मंत्रालयाने सांगितले, की धान्यासह पहिले जहाज सोमवारी सकाळी ८.३० वाजता (तुर्की वेळ) युक्रेनहून निघाले. तुर्कस्तानचे राष्ट्राध्यक्ष रेसेप तय्यप एर्दोगन म्हणाले होते, की काळ्या समुद्रमार्गे धान्याची निर्यात येत्या काही दिवसांत सुरू होईल. येत्या काळात सागरी धान्य वाहतुकीच्या सुरुवातीसह आम्ही आगामी जागतिक अन्न संकटात महत्त्वपूर्ण योगदान देऊ, युक्रेनचे संकट राजनैतिक मार्गाने सोडवण्यासाठी तुर्कस्तान आपले प्रयत्न सुरूच ठेवेल, असेही एर्दोगन म्हणाले.

रशिया आणि युक्रेनमध्ये शांतता प्रस्थापित होईपर्यंत आम्ही राजनैतिक प्रयत्न सुरू ठेवण्याचा निर्धार केला आहे. नजीकच्या भविष्यात, आम्हाला चर्चेत आणि नेत्यांसह सर्व स्तरावरील संपर्कांसह उत्साहवर्धक बातम्या मिळण्याची आशा आहे.

दरम्यान, रशिया आणि तुर्कस्तानचे संरक्षणमंत्री आणि युक्रेनचे पायाभूत सुविधामंत्री इस्तंबूलमध्ये संयुक्त राष्ट्रसंघालीत धान्य निर्यातीवर करार करण्यासाठी भेटले. त्या वेळी युक्रेनशी झालेल्या कराराच्या पार्श्‍वभूमीवर धान्य निर्यातीतील कोणतेही अडथळे समजून घेण्यासाठी जागतिक संस्था युरोपियन युनियन, युनायटेड स्टेट्स आणि रशियामधील भागीदारांसोबत गुंतलेली राहणार असल्याचे संयुक्त राष्ट्रसंघाच्या व्यापार अधिकाऱ्याने सांगितले.

करारामुळे रशियाला धान्य आणि खतांची निर्यात करता येणार असल्याचे सांगितले जात आहे. या करारामुळे अनेक देशांतील धोक्यात आलेली अन्नसुरक्षा (Food Security) युद्धकाळातील गतिरोध संपुष्टात आला आणि युक्रेनियन टन धान्य निर्यात करण्याचा मार्ग मोकळा झाला.

या करारामुळे युक्रेनला २२ दशलक्ष टन धान्य आणि इतर कृषी उत्पादने निर्यात करणे शक्य होईल. जी निर्यात युद्धामुळे काळ्या समुद्रातील बंदरांमध्ये अडकली होती. विशेष म्हणजे, या करारामुळे जहाजांच्या सुरक्षित प्रवासासाठी तरतूद केली जाईल. शिवाय, इस्तंबूलमध्ये एक नियंत्रण केंद्र स्थापन केले जाईल, ज्यामध्ये संयुक्त राष्ट्रसंघ, तुर्की, रशियन आणि युक्रेनियन अधिकारी कर्मचारी असतील, प्रक्रिया चालविण्यासाठी आणि समन्वयित करण्यासाठी आणि जहाजे शस्त्रे वाहून नेत नाहीत याची खात्री करण्यासाठी तपासणी केली जाईल.