नागपूर : विभागात गेल्या चोवीस तासांत सरासरी ७५.६ मिलिमीटर पावसाची (Nagpur Rainfall) नोंद झाली आहे. विभागात ३३ तालुक्यांत अतिवृष्टी (Heavy Rain) झाल्यामुळे नदीकाठावरील गावांना सतर्कतेचा इशारा देण्यात आला आहे.

जिल्हानिहाय अतिवृष्टी झालेल्या तालुक्यांमध्ये वर्धा जिल्ह्यातील हिंगणघाट तालुक्यात १९०.५, समुद्रपूर १८७.१, वर्धा १३७.४, देवळी १३१ .४, सेलू १२७.२, आर्वी ८७.१, कारंजा ७०, आष्टी ६६.४ मिलिमीटर.

गडचिरोली जिल्ह्यातील गडचिरोली येथे १८४.४, धानोरा १०८.९, चामोर्शी १०४.१, मुलचेरा, ९०.३, देसाईगंज वडसा ८६.१, भामरागड ८०.३, कुरखेडा ८०.२, आरमोरी ७८.६ मिलिमीटर.

चंद्रपूर जिल्ह्यातील चिमूर तालुक्यात १६३.१, सावली १३१.४, वरोरा १११.५, सिंदेवाही ९४.४, ब्रम्हपुरी ८९.९, नागभीड ८४.७, बल्लारपूर ६६ मिलिमीटर.

नागपूर जिल्ह्यात भिवापूर तालुक्यात १३०.७, उमरेड १०३, कुही ७९, रामटेक ६९.६, कामठी ६७.८, हिंगणा ६५.६ मौदा ६५ मिलिमीटर.

भंडारा जिल्ह्यातील पवनी तालुक्यात ८४.९, लाखांदूर ७३.३, गोंदिया जिल्ह्यातील मोरगांव अर्जुनी तालुक्यात ६६.५ मिलिमीटर पावसाची नोंद झाली.

विभागात चोवीस तासांत जिल्हानिहाय सरासरी झालेला पाऊस कंसातील आकडेवारी आजपर्यंत झालेल्या पावसाची आहे. वर्धा १३६.४ (६६५.४), चंद्रपूर ८५.८ (७४७.४), गडचिरोली ८४.९ (६४०.३) नागपूर ६४.३ (६०७.३), भंडारा ४८ (५५५.४) आणि गोंदिया ३०.८ (६२२.९), पाऊस झाला आहे. सर्व आकडेवारी मिलिमीटरमध्ये आहेत. नागपूर विभागात दि. १ जून ते १८ जुलैपर्यंत सरासरी ६४०.६ मिलिमीटर पाऊस पडला.