पुणे ः शेतकऱ्यांसाठी विविध विस्तार योजनांमध्ये (Agriculture Expansion Scheme) उत्तम कामगिरी बजावलेल्या अधिकारी व कर्मचाऱ्यांचा गौरव कृषी आयुक्त सुनील चव्हाण (Sunil Chavan) यांनी प्रजासत्ताक दिनानिमित्ताने (Republic Day) केला.

आयुक्तांच्या उपस्थितीत पुण्याच्या कृषीभवन आवारात ध्वजवंदन करण्यात आले. या वेळी कृषी संचालक (फलोत्पादन) कैलास मोते व दशरथ तांभाळे (आत्मा) तसेच सहसंचालक रफिक नाईकवाडी उपस्थित होते.

पंतप्रधान सूक्ष्म अन्न प्रक्रिया उद्योग योजना (पीएमएफएमई), ऊस पाचट व्यवस्थापन, सूक्ष्म सिंचन योजना, फळबाग लागवड तसेच कार्यालयीन स्वच्छता व नियोजनात उत्तम कामगिरी बजावलेल्या १७ कर्मचाऱ्यांचा सत्कार आयुक्तांच्या हस्ते झाला.

तालुका कृषी अधिकारी भारत कदम (मुख्यालय माढा), तालुका कृषी अधिकारी पोपट नवले (अहमदनगर), तालुका कृषी अधिकारी भारत कदम (माढा), मारुती साळे (हवेली), मंडल कृषी अधिकारी भाऊसाहेब सोनवणे (घोडेगाव), बाळासाहेब कोकणे (भिगवण), देवीदास चौधरी (केतूर), कृषी अधिकारी विशाल माने (पुणे ),

कृषी पर्यवेक्षक किसान सांगळे (श्रीगोंदा), राजश्री नरवडे (बेल्हे), संजय करळे (वैराग, बार्शी), कृषी सहायक रहेना शेख (नान्नज दुमाल, संगमनेर), अविनाश बोराडे (कुरुल,मोहोळ), गणेश कदम (खोर,दौंड), वरिष्ठ लिपिक युनूस बेग (श्रीरामपूर), वैशाली विधुते (सोलापूर), संदीप सावळे (पुणे), लिपिक भरत खिलारे (बारामती).