कसबे-डिग्रज (जि. सांगली) ः येथील महात्मा फुले कृषी विद्यापीठ,(Mahatma Phule Agricultural University) राहुरी अंतर्गत कृषी तंत्र विद्यालयात शुक्रवार (ता.१८) रोजी पालक-शिक्षक मेळावा आयोजित करण्यात आला. मेळाव्याच्या अध्यक्षस्थानी कृषी तंत्र विद्यालयाचे प्राचार्य डॉ. मनोज माळी होते. या मेळाव्यास पालकांचा चांगला प्रतिसाद मिळाला.

यावेळी उपस्थित पालकांच्या हस्ते महात्मा फुले यांच्या प्रतिमेस पुष्पहार अर्पण आणि दीपप्रज्वलन करण्यात आले. डॉ. माळी यांनी उपस्थित पालकांना अभ्यासक्रमाबाबत आणि विद्यालयातील रोपवाटिका, बिजोत्पादन, गांडूळखत, दुग्ध व्यवसाय या पूरक व्यवसायातील संधीबाबत मार्गदर्शन केले.

डॉ. प्रदीप पाटील यांनी गतवर्षात राबविलेल्या उपक्रमांच्या माहितीचे सादरीकरण तर शर्मिला वाटकर यांनी वसतीगृह नियमावली विशद केली. कार्यक्रमाचे आभार नितीन घोरपडे यांनी मानले. कार्यक्रम यशस्वीतेसाठी दिगंबर आकिवाटे, महेश केवले, राजू कापसे, गजानन डाखोरे, अमुक्षिध, मंगल पाटील यांनी परिश्रम घेतले.