ॲग्रोवन वृत्तसेवा

Crop Insurance Cover : छत्रपती संभाजीनगर : मराठवाड्यातील आठही जिल्ह्यांत मंगळवारी (ता. १) सकाळी ९ वाजेपर्यंत ७९ लाख ७ हजार १२५ अर्जदार शेतकऱ्यांनी ४५ लाख २७७ हेक्टर क्षेत्र पीकविमा संरक्षित केले आहे. तीन ऑगस्टपर्यंत खरिपातील पिकांचा विमा उतरविण्याची संधी शेतकऱ्यांना असणार आहे.

पंतप्रधान पीकविमा योजनेअंतर्गत आधी ३१ जुलैपर्यंत शेतकऱ्यांना आपल्या पिकाचा विमा उतरवण्याची संधी होती. परंतु विमा उतरवण्याची मुदत वाढविण्याची मागणी पुढे आली होती. त्यानुसार आता तीन ऑगस्टपर्यंत पीकविमा उतरवण्याची मुदत वाढविण्यात आली आहे. माहितीनुसार, सोमवारी (ता. ३१) सकाळी ९ वाजेपर्यंत राज्यभरातून १ कोटी ५० लाख ४७ हजार ७९८ शेतकऱ्यांनी आपल्या पिकाचा विमा उतरविला होता. मंगळवारी ही संख्या १ कोटी ५५ लाख ५० हजार २०२ वर पोहोचली होती.

मराठवाड्यातील जिल्हा निहाय अर्जदार शेतकरी व विमा संरक्षित क्षेत्र (हेक्टरमध्ये)(सोमवारी सकाळी ९ पर्यंत)

जिल्हा शेतकरी संरक्षित क्षेत्र

छत्रपती संभाजीनगर ११०३७६१ ५२७९४४

जालना ९८५१३८ ४९५८४२

बीड १८०७०९६ ७६३७९३

लातूर ८४६२१३ ५८७१०१

धाराशिव ७४०२५१ ५८३०२६

नांदेड ११७४४६३ ७३४६४७

परभणी ७४८५७७ ४९०४४४

हिंगोली ५०१६२६ ३१७४८०