गोंदिया : जिल्ह्यात यंदा एक जून ते ३१ ऑगस्ट या काळात झालेल्या अतिवृष्टीने (Heavy Rain) १७ कोटी ३६ लाख ७३ हजार २५० रुपयाचे नुकसान (Crop Damage) झाले. त्यानुसार निधी मागणीचा प्रस्ताव प्रशासनाने सादर केला आहे. जिल्ह्यातील आठही तालुक्यांत अतिवृष्टी झाली. या अतिवृष्टीमुळे प्राणहानी, जनावरांचा मृत्यू, गोठे-घर (Animal Death)यांचे नुकसान झाले.

जिल्ह्यात पुरात वाहून गेलेल्या सात जणांचा समावेश आहे. वीज पडून पाच जणांचा मृत्यू झाला. पुरामुळे गोंदिया जिल्ह्यातील ९७४ कुटुंब बाधित झाली होती. मनुष्यहानीकरिता ४८ लाख १७ हजार दोनशे रुपये, जनावरांसाठी वीस लाख २३ हजार २५० रुपये, घर गोठे यांच्या नुकसानीपोटी पंधरा कोटी ८६ लाख रुपये

तर बाधित व्यक्तींकरता ८२ लाख असे एकूण १७ कोटी ३६ लाख ७३ हजार २५० रुपयांची मागणी शासनाकडे केली आहे. गोंदिया जिल्ह्यात पावसाने १९९ घरे जमीनदोस्त झाली. ७२८८ घरांची अंशतः पडझड तर बाधित झालेल्या १८१८ गोठ्यांची पडझड झाली आहे. यांना मदतीपोटी १५ कोटी ८६ लाख ३२ हजार आठशे रुपये दिले जाणार आहेत.

पावसामुळे बारा जणांचा मृत्यू पावसामुळे गोंदिया जिल्ह्यात बारा जणांचा मृत्यू झाला तर चार जण जखमी झाले. यातील १६ प्रकरणे जिल्हा प्रशासनाने मदतीसाठी पात्र केली आहेत. यातील पंधरा जणांना ४४ लाख १७ हजार दोनशे रुपयांची मदत देण्यात आली. अतिवृष्टीमुळे ७४ जनावरांचाही मृत्यू झाला.

यात मोठी दुधाळ जनावर ३१, लहान दुधाळ जनावरे १८, ओढकाम करणारी मोठी जनावरे १४ तर लहान जनावरे ११ दगावली आहेत. यातील मृत जनावरांच्या मालकांना सानुग्रह अनुदान म्हणून वीस लाख २३ हजार २५० रुपये देण्यात येणार आहेत.