Pune News : पुणे कृषी उत्पन्न बाजार समितीच्या निवडणुकीसाठी राष्ट्रवादी काँग्रेस आणि मित्रपक्षांच्या अण्णासाहेब मगर सहकार पॅनेलने १५ उमेदवारांची यादी जिल्हाध्यक्ष प्रदीप गारटकर यांनी जाहीर केली आहे.

मात्र व्यापारी - अडते आणि हमाल गटांतील तीन जागांसाठी इच्छुकांची संख्या मोठी असल्याने त्यांची अद्याप नावे जाहीर न करता, जो जिंकेल तो आमचा अशी भूमिका ठेवल्याची बाजार आवारात चर्चा आहे. तर निवडणुकीसाठी २८ एप्रिलला मतदान होणार असून, २९ एप्रिल रोजी मतमोजणी होणार आहे.

उमेदवारांची मतदार संघनिहाय नावे खालील प्रमाणे ः

सर्वसाधारण गट शेखर सहदेव म्हस्के (कळस), संतोष आबासाहेब कांचन (उरुळी कांचन), अशोक सुदाम गायकवाड (कोलवडी), योगेश बाळासाहेब शितोळे (न्हावी सांडस), दत्तात्रय दिनकर चोरघे (रहाटवडे), कुलदीप गुलाबराव चरवड (वडगांव बुद्रुक), संदीप माणिकराव गोते (वाडेबोल्हाई),

इतर मागास प्रवर्ग - सचिन सुभाष घुले (उंड्री)

महिला प्रवर्ग - सरला बाबूराव चांदेरे (बाणेर), प्रतिभा महादेव कांचन (उरुळी कांचन)

विमुक्त जाती-भटक्‍या जमाती प्रवर्गातून अर्जुन पिलाजी मदने (कोलवडी), ग्रामपंचायत मतदारसंघ राहुल रामचंद्र काळभोर (लोणी काळभोर), रामकृष्ण हेमचंद्र सातव (वाघोली), आर्थिक दुर्बल प्रवर्गातून नवनाथ रोहिदास पारगे (डोणजे), अनु.जाती, जमाती - नानासाहेब कोंडिंबा आबनावे (बकोरी).