रत्नागिरी ः जिल्हाभरात आतापर्यंत एकूण ७८ जनावरे लम्पी स्कीनबाधित (Lumpy Skin) आढळली आहेत. त्यातील १२ जनावरांचा मृत्यू झाला असल्याची माहिती जिल्हा परिषद पशुसंवर्धन विभागाकडून देण्यात आली.

जिल्ह्यात लम्पी स्कीन आजाराची लागण जनावरांमध्ये दिसून येत आहे. लम्पी स्कीन आजाराचा फैलाव दिवसागणिक वाढत चालल्याने जिल्हा परिषद पशुसंवर्धन विकास विभाग दक्ष झाला आहे. लसीकरणाच्या मोहिमेला गती देण्यात आली आहे.

जिल्हाभरात पशुसंवर्धन विभागामार्पत जनावरांना लसीकरणाविषयी जनजागृती केली जात आहे. तसेच जनावरांवर फवारणीचे नियोजनही करण्यात येत आहे. जिल्ह्यात मागील जनगणनेनुसार एकूण २ लाख ३५ हजार पशुपालकांकडे पशुधन आहे. २ लाख जनावरांचे लसीकरण झाले आहे. रत्नागिरी तालुक्यातील काळबादेवी, ढोकमळे, नेवरे, सडये येथील ४ जनावरे बाधित आढळली.